Mira Bhayandar Accident: भाईंदरमध्ये भीषण अपघात, क्रेनने महिलेला चिरडले

मिरा भाईंदरमध्ये भीषण अपघाताची घटना समोर आली आहे. भरधाव क्रेनने महिलेला चिरडले. या अपघातामध्ये महिलाचा जागीच मृत्यू झाला. हा अपघात इतका भीषण होता की महिलाच्या शरीराचे तुकडे झाले. या अपघातामध्ये रस्त्यावर मोठी वाहतूक कोंडी झाली आहे. पोलिसांनी घटनास्थळी धाव घेत तपास सुरू केला आहे.

मिळालेल्या माहितीनुसार, भाईंदर पूर्वेला क्रेनने महिलेला चिरडल्याची घटना घडली. भाईंदर पूर्वेच्या फॅमिली केअर हॉस्पिटल सिग्नलजवळ ही घटना घडली. एका वयोवृद्ध महिलेला क्रेनने चिरडले. या महिलेचा जागीच दुर्दैवी मृत्यू झाला. या अपघातानंतर नवघर पोलिसांनी घटनास्थळी धाव घेतली. पोलिसांनी क्रेन चालकाला ताब्यात घेतले.

हा अपघात झाल्यानंतर क्रेन आणि महिलेचा मृतदेह त्याच ठिकाणी पडून आहे. नवघर पोलिसांनी घटनास्थळी धाव घेत क्रेन चालकाला ताब्यात घेतले. या अपघातामध्ये घटनास्थळी मोठी वाहतूक कोंडी झाली आहे. सिग्नलवर वाहतूक पोलिस देखील उपस्थित नाहीत. या अपघाताचा तपास नवघर पोलिसांकडून सुरू आहे. ही महिला कोण होती याची ओळख पटवली जात आहे.