मुंबई : नालासोपाऱ्यातील (Nalasopara) तुलिंज परिसरात एक धक्कादायक प्रकरण समोर आलं आहे. एका नराधम डॉक्टरने अल्पवयीन मुलीवर अत्याचार (Minor girl molestation) केल्याची धक्कादायक घटना घडली आहे. उपचार करणारा डॉक्टरच नराधम निघाल्याने परिसरात एकच खळबळ उडाली आहे. अल्पवयीन मुलगी ताप आल्याने उपचारासाठी आर.व्ही. सिंग क्लिनिक मध्ये गेली होती. त्यावेळी एमबीबीएस डॉक्टर (MBBS Doctor) आर. व्ही. सिंगने त्या मुलीसोबत अश्लील वागणूक करत अत्याचार केला. याप्रकरणी तुलिंज पोलिसांनी (Police) पोक्सो कायद्यांतर्गत आरोपी सिंग विरोधात गुन्हा दाखल केला आहे.
मिळालेल्या माहितीनुसार, नालासोपाऱ्या एका एमबीबीएस डॉक्टरने उपाचारासाठी आलेल्या अल्पवयीन मुलीचा गैरफायदा घेत तिच्यावर अत्याचार केला. या घटनेमुळं संपूर्ण परिसरात खळबळ उडाली आहे. नालासोपाऱ्यात डॉ. आर. व्ही. सिंगचे क्लिनिक आहे. ताप आल्याने उपचार करण्यासाठी एक अल्पवयीन मुलगी या क्लिनिक मध्ये आली.
त्यानंतर नराधम डॉक्टरने तिच्यासोबत अश्लील वर्तणूक करुन अत्याचार केला. पीडित मुलीने तुलिंज पोलीस स्टेशन मध्ये जाऊन घडलेल्या प्रकाराबाबत माहिती देऊन तक्रार दाखल केली. त्यानंतर सदर आरोपी विरोधात तुलिंज पोलिसांनी पोक्सो कायद्यांतर्गत गुन्हा दाखल केला असून पुढील तपास सुरु आहे.
Edited By - Naresh Shende
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.