Kalyan Fire News: कल्याणमध्ये इमारतीच्या १३ व्या मजल्यावर भीषण आग, रहिवाशांमध्ये घबराट,VIDEO

Fire In Kalyan: कल्याणच्या आधारवाडी परिसरातील आग लागल्याची घटना घडली आहे. आज संध्याकाळच्या वेळी आधारवाडी परिसरातील हायप्रोफाईल वरटेक्स सॉलिटीर इमारतीच्या १३ व्या मजल्यावर अचानक आग लागली. आग लागल्यानंतर इमारतीतून धूर येऊ लागला. या घटनेमुळे इमारतीतील रहिवाश्यांमध्ये भीतीचे वातावरण पसरले आहे. घटनेची माहिती मिळताच अग्निशमनदलाच्या गाड्या घटनास्थळी दाखल झाल्या.

आग आटोक्यात आणण्यासाठी अग्निशमनदलाच्या कर्मचाऱ्यांना उशीर लागत असल्याने रहिवाश्यांनी संताप व्यक्त केला. तांत्रिक बिघाड झाल्यामुळे, अग्निशमन दलाचे वाहत चालत नाहीये. त्यामुळे आग विझवण्यासाठी दुसरे वाहन मागवण्यात आल्याची माहिती समोर येत आहे.

व्हिडिओमध्ये तुम्ही पाहू शकता की, आग किती भीषण आहे. त्यामुळे इमारतीतून लोट निघत आहे. अग्निशमनदलाचे जवान युद्धपातळीवर असून, रहिवाश्यांना इ्मारतीतून बाहेर काढण्याचे प्रयत्न सुरु आहेत.

काही रहिवाशांना इमारतीतून बाहेर काढण्यात यश आले असून, अजूनही काही नाकरीक इमारतीत अडकून असल्याची भीती वर्तविली जात आहे. प्राथमिक माहितीनुसार, ही आग शॉर्ट सर्किटमुळे लागली असल्याची माहिती समोर येत आहे.