Malad Fire News: मालाडच्या अ‍ॅक्मे शॉपिंग सेंटरला लागली भीषण आग, घटनास्थळी अग्निशमन दल दाखल

>> संजय गडदे

Acme Shopping Center Fire News:

मुंबईच्या मालाड पश्चिमेकडे एका शॉपिंग अ‍ॅक्मेला आग लागल्याची घटना घडली आहे. सायंकाळी साधारण पणे पावणेसात वाजण्याच्या सुमारास ही आग लागली आहे. मालाड पश्चिमेकडील जैन मंदिर रोडवरील अ‍ॅक्मे शॉपिंग सेंटरला ही आग लागली आहे.

अ‍ॅक्मे शॉपिंग मॉल मधील पहिल्या मजल्यावरील वातानुकूलित यंत्राला ही आग लागली असल्याचे समजते. आगीची माहिती मिळताच मुंबई अग्निशमन दलाच्या 5 गाड्या घटनास्थळावर दाखल झाल्या आहेत.

शॉपिंग मॉलला लागलेली आग ही लेव्हल वनची आहे. घटनास्थळावर अग्निशमन दलाच्या जवानांसोबात मालाड पोलीस ठाण्याचे अधिकारी आणि अदानी इलेक्ट्रिसिटीचे कर्मचारी देखील पोहोचले आहेत.

अग्निशमन दलाच्या जवानांनी आग लागलेल्या इमारतीतून 17 नागरिकांना सुरक्षित बाहेर काढले आहे. सुदैवाने या आगीत कोणतीही जीवितहानी झाली नसून अग्निशमन दलाकडून युद्धपातळीवर आग विझवण्याचे प्रयत्न सुरु आहे.