मावळ, पुणे: १२० फूट उंचीवर थरार अनुभवत तुम्ही कधी जेवणाचा आस्वाद घेतलाय का? (Sky Dining) आता तुम्ही म्हणाल की एकतर हा प्रश्नच चुकीचा आहे. अन् असं कोणी वेडं धाडस केलं असेल तर तो स्वतःच्या जीवावर उदार झाला असेल. पण आम्ही म्हणतोय की, हे तुम्हीही अनुभवू शकता! ते ही सुरक्षितरीत्या. तर मग.... मग काय? बघायचंय हा थरार कसा आणि कुठं आहे, शिवाय तिथं जेवणाचा आस्वाद कसा घेता येईल ते? त्यासाठी वाचा ही स्पेशल स्टोरी... (Sky Dining Hotel In Pune)
हे देखील पाहा -
तुम्ही बऱ्याच ठिकाणी जेवणाचा आस्वाद घेतला असेल. खानावळ, ढाबा, साधे हॉटेल, अगदी पंचतारांकित हॉटेलमध्ये ही तुम्ही गेलेला असाल. परंतु आज आम्ही तुम्हाला एक असं हॉटेल दाखविणार आहोत. जे महाराष्ट्रात तुम्ही कुठं पाहिलंही नसेल, अनुभवलंही नसेल. आतापर्यंत मलेशिया,सिंगापूर,दुबई या देशात अशा प्रकारची हॉटेल्स आहेत. मात्र महाराष्ट्रात प्रथमच मावळमध्ये (Maval) आकाश जाधव (Akash Jadhav) या खवय्याने हे हॉटेल तयार केले.
या स्काय डायनिंग हॉटेलमध्ये खवय्यांची खास सेवा केली जाते. सुरक्षिततेच्या दृष्टीने खुर्चीवर बसल्यानंतर सीट बेल्ट्स लावले जातात. त्यानंतर हे हॉटेल आकाशात झेप घेते. परंतु हात थरार फारच वेगळा असतो. हे हॉटेल १२० फूट उंचीवर पोहोचते. वर जाऊन ३६० डिग्रीमध्ये हे हॉटेल फिरवले जाते, त्यामुळे थरारासह निसर्गाचा आनंद घेता येतो.
पृथ्वी रोज सूर्याभोवती फिरते मात्र ते आपल्याला दिसत नाही त्याचप्रमाणे हे हॉटेल आहे. हॉटेल फिरते पण आपल्याला काळतही नाही. या हॉटेलला स्काय डायनिंग हॉटेल असं म्हटलं जातं. मावळातील कासारसाई धरणाजवळ हा व्ह्यू तुम्ही पाहू शकता. अतिशय विहंगम आणि नयनरम्य दृश्य बघायला मिळते. याच वातावरणात खवैये या स्काय डायनिंगच्या टेबलवर बसून जेवणाचा आस्वाद घेऊ शकतात.
या हॉटेलमध्ये एकावेळी २२ जण बसून जेवण करू शकतात. त्यामुळं या स्काय डायनिंग हॉटेलमध्ये तुम्ही बसलात की, आपसूकच तुमच्या तोंडात हे शब्द येतील... काय झाडी, काय डोंगार, काय हॉटेल अन् काय ते धरणाचं पाणी... सगळं एकदम ओक्के आहे!!!
पाहा व्हिडिओ -
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.