Pune Politics: पुण्यात शिंदेगटाला मोठं खिंडार, नाराज पदाधिकाऱ्यांचे सामूहिक राजीनामे

Summary:

• पुण्यात मोठी राजकीय घडामोड घडली

• शिवसेना शिंदे गटाला पुण्यात खिंडार पडलं

• शिवसेनेच्या अनेक पदाधिकाऱ्यांनी सामूहिक राजीनामे दिले

पुण्यामध्ये मोठी राजकीय घडामोड घडली आहे. पुण्यात शिवसेना शिंदे गटाला मोठा धक्का बसला आहे. शिंदेंच्या शिवसेनेच्या अनेक पदाधिकाऱ्यांनी सामूहिक राजीनामे दिले. शिवसेनेचे नेते रवींद्र धंगेकरांकडे कार्यकर्त्यांनी राजीनामे दिले. शिंदेसेनेला पुण्यात आठच जागा मिळत असल्याने पदाधिकारी नाराज आहेत. त्यामुळे त्यांनी पक्षाला रामराम ठोकण्याचा निर्णय घेतला.

पुण्यात आज एकनाथ शिंदे यांच्या शिवसेना पक्षाच्या अनेक पदाधिकाऱ्यांनी सामूहिक राजीनामे दिले. त्यांनी आपले राजीनामे शिवसेना महानगरप्रमुख रवींद्र धंगेकर यांच्याकडे दिले आहेत. कार्यकर्त्यांना विश्वासात घेतलं गेलं नसल्याचा आरोप अनेक पदाधिकाऱ्यांनी केला. पुण्यामध्ये शिवसेना शिंदे गटातील अनेक पदाधिकाऱ्यांनी मोठी नाराजी आज बोलून दाखवली. पुढील काळामध्ये पक्षाला बळ द्यायचे असेल तर कार्यकर्त्यांना न्याय द्यावा, अशी मागणी करण्यात आली.