महाराष्ट्राचा सर्वांगिण विकास करणे हेच आमचे उद्दीष्ट आहे. तसेच प्रलंबीत प्रश्नांना पुढे घेवून जाणार. देवेंद्र फडणवीसांना उपमुख्यमंत्री बनायचं नव्हतं. पण पक्षाचा आदेश आला आणि त्यांनी उपमुख्यमंत्रीपदाची शपथ घेतली. सर्व प्रकल्प मार्गी लावणार आहे. जलयुक्त शिवार, मेट्रो प्रकल्प मार्गी लावू. रखडलेल्या प्रकल्पांना वेग देणार आहे. माजी मुख्यमंत्रीही सोबत त्यामुळे जोरदार बॅटिंग होईल. जनतेला अपेक्षित असलेली कामं करणार, अशी प्रतिक्रिया महाराष्ट्राचे नवे मुख्यमंत्री एकनाथ शिंदे यांनी दिली आहे.
पत्रकार परिषदेत राष्ट्रवादी कॉंग्रेसचे अध्यक्ष शरद पवार म्हणाले, पाच वर्षांपूर्वी ईडीचं नाव सुद्धा माहित नव्हतं. पण आता खेड्या पाड्यात ईडी माहित झाली आहे. महाविकास आघाडी कमी पडली असं वाटत नाही. ईडीद्वारे आता विरोधकांना नोटीस पाठवली जाते. २००४ ते २०२० च्या निवडणुकीबाबत आता आयकरच्या नोटिसा येत आहेत. आयकारच्या कारभारात गुणात्मक वाढ झाल्याचं दिसतंय. मला आता आयडीकडून नोटीस आली आहे. शिवसेना संपुष्टात आली नाही आणि येणारही नाही. केंद्रातल्या अदृष्य शक्तींचा वापर होत आहे. आगामी निवडणुका महाविका आघाडी म्हणून लढण्यावर अजून निर्णय नाही. निवडून आलेले फक्त पाच वर्षांसाठी, पक्ष कायमचा असतो.
२ किंवा ३ जुलैला विशेष अधिवेशन
२ किंवा ३ जुलैला विशेष अधिवेशन होणार असल्याची शक्यता आहे. राज्यात नवं सरकार स्थापन झाल्यानंतर कॅबिनेट मंत्रीमंडळाच्या बैठकीत विश्वासदर्शक ठरावाबाबत चर्चा झाली आहे.
— Raj Thackeray (@RajThackeray) June 30, 2022
ठाणे जिल्ह्याला पहिल्यांदाच मुख्यमंत्रीपदाचा मान मिळाला आहे. हिंदुत्व आणि महाराष्ट्र हितासह ठाणे जिल्ह्याचाही सर्वांगीण विकास होईल या अपेक्षांसह श्री.एकनाथजी शिंदे यांची महाराष्ट्र राज्याचे मुख्यमंत्री म्हणून निवड झाल्याबद्दल मनसे अभिनंदन व शुभेच्छा !
ठाणे जिल्ह्याला पहिल्यांदाच मुख्यमंत्रीपदाचा मान मिळाला आहे. हिंदुत्व आणि महाराष्ट्र हितासह ठाणे जिल्ह्याचाही सर्वांगीण विकास होईल या अपेक्षांसह श्री.एकनाथजी शिंदे यांची महाराष्ट्र राज्याचे मुख्यमंत्री म्हणून निवड झाल्याबद्दल मनसे अभिनंदन व शुभेच्छा ! @mieknathshinde pic.twitter.com/zDClMFroaV
— Raju Patil ( प्रमोद (राजू) रतन पाटील ) (@rajupatilmanase) June 30, 2022
तसेच स्वत:ची परवा न करता,हिदूत्वासाठी व महाराष्ट्राच्या हितासाठी न घाबरता सत्तात्याग करून वेगळी भूमिका मांडण्याची धमक दखावणार्या माझ्या सहकारी आमदारांचे ही आभार#MaharashtraFirst
— Eknath Shinde - एकनाथ शिंदे (@mieknathshinde) June 30, 2022
पुण्यात एकनाथ शिंदे समर्थकांचा जल्लोष
पेढे वाटत शिंदेंच्या समर्थकांनी केला आनंद साजरा
काही दिवसांपूर्वीच शिवसेनेच्या कार्यकर्त्यांनी कार्यालयात गोंधळ घातला होता
बंडखोर आमदार म्हणून शिवसैनिकांनी एकनाथ शिंदेंच्या फोटोला याच कार्यालयात काळे फासले होते
श्री. एकनाथ शिंदे यांची महाराष्ट्र राज्याचे नवे मुख्यमंत्री म्हणून निवड झाल्याबद्दल मनपूर्वक अभिनंदन! महाराष्ट्राच्या हिताची जपणूक त्यांच्याकडून होईल अशी सार्थ अपेक्षा व्यक्त करतो.
— Sharad Pawar (@PawarSpeaks) June 30, 2022
स्व. यशवंतराव चव्हाण, श्री. बाबासाहेब भोसले, श्री. पृथ्वीराज चव्हाण यांच्यानंतर अजून एका सातारकरांची मुख्यमंत्रीपदी वर्णी लागली याचा आनंद आहे.
— Sharad Pawar (@PawarSpeaks) June 30, 2022
देवेंद्र फडणवीस यांचा महाविकास आघाडीवर हल्लाबोल
एकनाथ शिंदे थेट गोव्याहून देवेंद्र फडणवीस यांच्या सागर बंगल्यावर दाखल झाले आहेत. शिंदे हे कडेकोट पोलिस बंदोबस्तामध्ये फडणवीसांच्या निवासस्थानी पोहोचले असून हे दोन्ही नेते आता राजभवनावर जाणार असल्याची माहिती मिळत आहे.
मागील अनेक दिवसांपासून राज्याबाहेर असणारे शिवसेनेचे बंडखोर नेते एकनाथ शिंदे आज मुंबईत दाखल झाले. त्यानंतर ते देवेंद्र फडणवीस यांच्या सागर बंगल्याकडे रवाना झाले आहेत. सागर बंगल्यावरून ते राजभवनावर जाणार असल्याची माहिती समोर येत आहे.
शिवसेनेचे बंडखोर नेते एकनाथ शिंदे आज मुंबईत आले असून शिंदे आणि देवेंद्र फडणवीस राज्यभवनावर जाऊन सत्तास्थापनेचा दावा करणार आहेत. शिवाय हे दोघे मुख्यमंत्री आणि उपमुख्यमंत्रीपदाची शपथ आजच घेण्याची शक्यता असल्याची माहिती सुत्रांकडून मिळतं आहे.
१ तारखेला शपथविधी होणार, मुख्यमंत्री, उपमुख्यमंत्री शपथ घेतील.
राज्यपालांसोबत छोटेखानी कार्यक्रम असेल.
२ जुलै रोजी अध्यक्षांची निवड केली जाणार आहे. त्यासाठी तात्पुरता अध्यक्ष नेमला जाईल. त्यांच्या अध्यक्षतेखाली अध्यक्षांची निवड केली जाईल. त्यापाठोपाठ विश्वासदर्शक प्रस्ताव येईल.
३ जुलै रोजी पूर्ण मंत्रिमंडळ विस्तार आणि शपथविधी असणार, तोही सोहळा साधेपणाने होईल.
आज आणि उद्या खाते वाटप सांगितले जाईल.
१२ जणांना कॅबिनेट मंत्रिपदे, दहाच्या आसपास राज्यमंत्री असतील.
— Raj Thackeray (@RajThackeray) June 30, 2022
एकनाथ शिंदे यांनी गोवा येथील विमानतळावर माध्यमांशी संवाद साधला. ते मुंबईत आल्यानंतर देवेंद्र फडणवीस यांची भेट घेणार आहेत. दरम्यान, एकनाथ शिंदे यांना झेड दर्जाची सुरक्षा देण्यात आली आहे.
उद्धव ठाकरेंनी राजीनामा दिल्यानंतर आम्ही सेलिब्रेशन केलं नाही. राजीनाम्यानंतर आम्ही सेलिब्रेशन केलं असं वृत्त चुकीचं होतं, असं स्पष्टीकरण एकनाथ शिंदे गटाच्या वतीने प्रवक्ता दीपक केसरकर यांनी दिलं. जे समविचारी पक्ष आहेत, त्यांच्याबरोबर युती करायची होती. आम्हाला मनातून दुःख झालं आहे, त्यांच्याबद्दलचा आदर कायम आहे, असंही केसरकर म्हणाले.
१६ आमदारांना उपसभापतींनी दिलेली नोटीस जिवंत
११ जुलैपर्यंत त्यांना खुलासा द्यावाच लागणार
तोपर्यंत नव्या सरकारचा शपथविधी होणार नाही असं माझं मत
सर्वधर्मसमभाव ही काँग्रेसची भूमिका
नामकरण मुद्द्यांवर थोडीफार नाराजी
मात्र त्यांना समजावून सांगणार
संभाजी महाराज हे महाराष्ट्रासाठी आदरणीय
गोवा येथील हॉटेलमधून एकनाथ शिंदे एअरपोर्टकडे रवाना झाले आहेत. तेथून ते मुंबईत येणार आहेत, अशी माहिती मिळते.
काँग्रेस नेत्यांची विधानभवनात बैठक झाली. या बैठकीत संघटनात्मक बाबींवर चर्चा झाल्याची माहिती वडेट्टीवार यांनी दिली.
महाराष्ट्रात नवीन सरकार येणार, पुन्हा एकदा मुंबई, ठाणे, कल्याण डोंबिवली, भाईंदर, वसई, नवी मुंबई, पनवेल या मेट्रो रेल्वेचे काम पुन्हा जलद गतीने सुरू होईल, भाजप नेते किरीट सोमय्या यांचे ट्विट
भाजपसोबत कोणती आणि किती मंत्रीपदे याबाबत अद्याप कोणतीही चर्चा झालेली नाही, लवकरच होईल. तोपर्यंत कृपया मंत्रिपदाच्या याद्या आणि याबाबत पसरलेल्या अफवा यावर विश्वास ठेवू नका.
— Eknath Shinde - एकनाथ शिंदे (@mieknathshinde) June 30, 2022
एकनाथ शिंदे आणि देवेंद्र फडणवीस यांची आज मुंबईत बैठक होणार आहे. या बैठकीत मंत्रिपद वाटपा संदर्भात चर्चा होणार आहे, या बैठकीसाठी एकनाथ शिंदे आज मुंबईत दाखल होणार असल्याची माहिती मिळत आहे.
बुधवारी उशीरा रात्री उद्धव ठाकरेंनी राज्यपालांकडे मुख्यमंत्रीपदाचा राजीनामा सुपूर्त केला. त्यानंतर आज खासदार संजय राऊत यांनी बंडखोर नेत्यांवर हल्लाबोल चढवला. बंडखोरांना धुणी भांडीच करावी लागणार अशी टीका संजय राऊत यांनी केली.
उद्धव ठाकरे यांनी काल महाराष्ट्राच्या मुख्यमंत्रीपदाचा आणि आमदारकीचा राजीनामा देण्याची घोषणा केली. त्यामुळे आता फ्लोअर टेस्टची गरज नाही, असं महाराष्ट्र विधानसभेचे सचिव राजेंद्र भागवत यांनी राज्यपालांच्या आदेशानुसार सर्व आमदारांना सांगितले.
बहुमत चाचणीच्या अगोदरच शिवसेना प्रमुख उद्धव ठाकरे यांनी बुधवारी रात्री मुख्यमंत्रिपदाचा राजीनामा दिला. देवेंद्र फडणवीस आणि एकनाथ शिंदे यांचे सरकार स्थापन स्थापनेचा मार्ग मोकळा झाला आहे. आज दुपारपर्यंत नव्या सरकारच्या मंत्रिमंडळाचे चित्र स्पष्ट होणार असल्याचे बोलले जात आहे. आज सकाळी १० वाजता भाजप (BJP) नेते देवेंद्र फडणवीस आणि एकनाथ शिंदे यांची चर्चा होणार आहे. या चर्चेत नव्या मंत्रिमंडळा संदर्भात चर्चा होणार आहे.
एकनाथ शिंदे यांच्यासह ४० आमदारांनी बंड केले होते. या बंडात महाविकास आघाडीमध्ये मंत्री असणारे नेत्यांनीही बंड केले होते, यात शिवसेना (ShivSena) नेते शंभूराजे देसाई यांनीही बंड केले होते. आणि अपक्ष असणारे राजेंद्र पाटील यड्रावकर यांनीही बंड केले होते. या दोन्ही मंत्र्यांना कॅबिनेटमध्ये बढती मिळणार असल्याचे बोलले जात आहे.
भाजप नेते देवेंद्र फडणवीस यांच्या ‘सागर’ या निवासस्थानी भाजपच्या वरिष्ठ नेत्यांची महत्त्वपूर्ण बैठक बोलावण्यात आली आहे. आज सकाळी ११ वाजता होणाऱ्या या बैठकीला महाराष्ट्र भाजपचे प्रभारी सीटी रवी हेही उपस्थित राहणार आहेत. या बैठकीत सरकारच्या शपथविधी संबंधी चर्चा हेणार असल्याचे बोलले जात आहे. भाजपने आपल्या सर्व आमदारांना पुढील आदेश मिळेपर्यंत मुंबईतच राहण्यास सांगितले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
