ताटातील भाकरी महागणार! ज्वारीचा भाव शंभरीपार, नवीन रेट काय?

महागाईच्या झळा सोसणाऱ्या गरीब आणि मध्यमवर्गीय कुटुंबांच्या ताटातील भाकरीही आता महाग होत आहे. ज्वारीच्या दराने शंभरीचा टप्पा पार केलाय. दोन आठवड्यांत चांगल्या दर्जाच्या ज्वारीला किलोमागे १५ ते २० रुपयांची वाढ झाली आहे. २ आठवड्यांपूर्वी ८५ रुपये असलेली ज्वारीचे भाव थेट १०० ते १०५ रुपये प्रति किलो पर्यंत गेला आहे. दुष्काळी परिस्थितीने उत्पादनावर झालेला परिणाम, बाजारात कमी झालेली आवक व मागणीच्या तुलनेत अपुरा पुरवठा अशी प्रमुख कारणे या दरवाढीच्या मागे असल्याचं व्यापाऱ्यांचे मत आहे. दिवसेंदिवस वाढत चाललेल्या दुष्काळाच्या दाहकतेने धान्याचे बाजार कडाडले आहेत. दुष्काळ इतका तीव्र आहे की त्याची झळ आता फक्त शेतकरी नाही तर सामान्यांच्या खिशाला पण बसू लागली आहे

गेल्या १ महिन्यात ज्वारीच्या भावात झालेली दरवाढ (प्रति किलो)

ज्वारी (शाळू)

सध्याची किंमत: १०५-११० रुपये

पूर्वीची किंमत: ६५ रुपये

एका महिन्यात वाढ: ४५ रुपये

ज्वारी (गावरान)

सध्याची किंमत: ६०-७५ रुपये

पूर्वीची किंमत: ५५ रुपये

एका महिन्यात झालेली भाववाढ: १५ रुपये

ज्वारी (दुरी)

सध्याची किंमत: ४५ ते ५५ रुपये

पूर्वीची किंमत: ३५ ते ४० रुपये

एका महिन्यात झालेली भाववाढ: १० रुपये

बाजरी

सध्याची किंमत: ३५ ते ४० रुपये

पूर्वीची किंमत: ३२ रुपये

एका महिन्यात झालेली भाववाढ: ८ रुपये