DA Hike News: एसटी कर्मचाऱ्यांसाठी खुशखबर! राज्य सरकारने महागाई भत्ता वाढवला, किती पगार वाढणार?

ST Employees DA Hike News:

एसटी कर्माचाऱ्यांसाठी एक आनंदाची बातमी समोर आली आहे. मुख्यमंत्री एकनाथ शिंदे यांनी एसटी कर्मचाऱ्यांच्या महागाई भत्त्याबाबत मोठी घोषणा केली आहे.

एसटी कर्मचाऱ्यांचा महागाई भत्ता 34 टक्क्यांवरून वाढवून 38 टक्के करण्यास आज मुख्यमंत्री एकनाथ शिंदे यांनी मान्यता दिली. यामुळे राज्य शासनावर एकंदर 9 कोटी रुपयांचा बोजा पडणार आहे. (Latest Marathi News)

मिळालेल्या माहितीनुसार, गेल्या अनेक दिवसांपासून एसटी कर्मचारी सरकारी कर्मचाऱ्यांप्रमाणे महागाईभत्ता मिळावा, अशी मागणी करत होते. यानंतर आता त्यांच्या महागाई भत्त्यामध्ये चार टक्क्यांनी वाढ करण्याचा निर्णय शासनाने घेतला आहे.

दरम्यान, एसटी कर्मचाऱ्यांकडून पुकारण्यात आलेल्या संपानंतर राज्य सरकराने त्यांच्या पगारामध्ये आणि महागाई भत्त्यात वाढ केली होती. यातच आता गणपती उत्सवाच्या तोंडावर पुन्हा महागाई भत्त्यात वाढ मिळाल्याने एसटी कर्मचाऱ्यांमध्ये आंनदाचं वातावरण आहे.