![Nana Patole Slams DCM Devendra Fadnavis](http://media.assettype.com/saamtv%2F2021-06%2F3a70fab2-fc00-4701-aa08-30ab15158e6e%2FNana_Patole_Devendra_Fadnavis.jpg?rect=0%2C6%2C950%2C534&w=480&auto=format%2Ccompress&fit=max)
विधानपरिषदेच्या ११ जागांसाठी आज शुक्रवारी सकाळी ९ वाजेपासून मतदानाला सुरुवात झाली आहे. महाविकास आघाडी आणि महायुतीचे आमदार मतदान करण्यासाठी विधानभवनात दाखल झाले आहेत. अशातच भाजपच्या एका आमदाराच्या मतदानाला काँग्रेसने विरोध केला आहे. यासंदर्भात त्यांनी निवडणूक अधिकाऱ्यांना पत्र देखील लिहलं आहे.
भाजप आमदार गणपत गायकवाड यांच्या मतदानाला काँग्रेसने (Congress) विरोध केला आहे. शिवसेना शिंदे गटाचे नेते महेश गायकवाड यांच्यावर केलेल्या गोळीबारानंतर गणपत गायकवाड तुरुंगात शिक्षा भोगत आहेत. ते मतदान करण्यासाठी येत असल्याचं कळताच काँग्रेसने मोठी खेळी केली आहे. गणपत गायकवाड यांना मतदानापासून रोखावं, असं काँग्रेसनं पत्र लिहिलं आहे.
गणपत गायकवाड हे लोकप्रतिनिधी कायद्यानुसार मतदान करू शकत नाहीत. त्यांचे मत अवैध्य ठरू शकतं. त्यामुळे त्यांना मतदानाची परवानगी देऊ नये, असं काँग्रेसने निवडणूक आयोगाला (Election Commission) लिहलेल्या पत्रात म्हटलं आहे. माजी गृहमंत्री अनिल देशमुख आणि माजी मंत्री नवाब मलिक हे देखील तुरुंगात असताना त्यांना मतदान करण्यापासून रोखण्यात आलं होतं.
त्याप्रमाणेच भाजप आमदार गणपत गायकवाड यांना मतदान करु देऊ नका, अशी मागणी महाविकास आघाडीचे नेते करीत आहेत. दरम्यान, काँग्रेसच्या या पत्राची राज्य निवडणूक आयोगाने दखल घेतली असून यासाठी ते केंद्रीय निवडणूक आयोगाचा सल्ला घेणार घेणार असल्याची माहिती आहे.
सूत्रांच्या माहितीनुसार, जर गणपत गायकवाड यांचं नाव मतदान यादीत नाव असेल तर त्यांना मतदान करता येईल. गणपत गायकवाड यांची आमदारकी रद्द झालेली नाही किंवा कोर्टाने अद्याप सजा सुनावलेली नाही. त्यामुळे त्यांना मतदान करता येऊ शकतं, असं निवडणूक आयोगातील सूत्रांनी साम टीव्हीला सांगितलं आहे. तरी देखील राज्य निवडणूक आयोग केंद्रीय निवडणूक आयोगाचा सल्ला घेणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.