Pune Viral Video : "मी पोलिसांचा मुलगा" पुण्यात तरुणाचा भररस्त्यात गोंधळ, VIDEO व्हायरल

अक्षय बडवे, पुणे प्रतिनिधी

विद्येचं माहेरघर असलेल्या पुण्यात एका तरुणाने भररस्त्यात धिंगाणा घातला. मात्र एवढ्यावरच न थांबता या तरुणाने "मी पोलिसांचा मुलगा आहे" असं म्हणतं दुसऱ्या तरुणाशी जोरदार वाद घातला. सदर घटना रात्री रात्री ११.१५ वाजता पुण्यातील नारायण पेठेत घडली असून पोलिसांनी मध्यस्थी करत हा गोंधळ थांबवला. या घटनेचा व्हिडिओ सोशल मीडियावर व्हायरल झाला आहे.

पुण्यातील नारायण पेठेत असलेल्या टकले हवेली चौक येथे चैतन्य विजय काळे (वय- 40) हे त्यांच्या दुचाकीवरून जात होते तेव्हा त्यांच्या दुचाकीला एका चारचाकी वाहनाने धडक दिली. या चारचाकी चालकाचे नाव जितू सुजित हलदर (वय -22) असे आहे. तो मूळचा मध्य प्रदेशचा असून एअर फोर्स चे शिक्षण घेत आहेत. किरकोळ धक्का लागल्याने काळे आणि हलदर यांच्यात वाद सुरू झाले आणि बघ्यांची मोठी गर्दी जमायला सुरुवात झाली.

हलदर सोबत त्याच्या गाडी मध्ये ३ इसम व दोन मुली होत्या. हा वाद सुरू असताना त्याने "मी पोलिसांचा मुलगा" आहे असं सांगत हा वाद आणखी वाढवला आणि याचा व्हिडिओ सोशल मीडियावर व्हायरल झाला आहे. घटनास्थळी पोलिस आल्यानंतर हा वाद मिटवला आणि दोघांना चौकशीसाठी पोलिस ठाण्यात नेले. रात्री उशिरापर्यंत याबाबत तक्रार नोंदवण्याची प्रक्रिया सुरू होती.

तसेच कारचालक याने दारू प्यायली होती का यासाठी त्याची ब्रेथ अनिलायझर टेस्ट करण्यात आली. तसेच कारचालक याने दारू प्यायली होती का यासाठी त्याची ब्रेथ अनिलायझर टेस्ट करण्यात आली. या टेस्ट मध्ये तो दारू प्यायला नसल्याचे आढळून आले. शिवाय या तरुणाची ससून हॉस्पिटल येथे वैद्यकीय चाचणी केली असून चाचणी निगेटिव्ह आली, असल्याची माहिती पोलिसांनी दिली आहे. अपघातातील दोघांची एकमेका विरुद्ध काही तक्रार नसल्याने तसे त्यांचे जबाब व्हिडिओद्वारे घेतले. मात्र त्यांनी सार्वजनिक ठिकाणी आरडाओरडा करून सार्वजनिक शांततेचा भंग केल्याने त्यांच्यावर खटला दाखल करण्यात आला आहे.