'तू मर जा' असे प्रेयसीने म्हणताच प्रियकराने केली आत्महत्या...

डोंबिवली - ‘मला तुझी गरज नाही, ‘तू मर जा’ अस प्रेयसीने बोलताच एका तरुणाने भावनेच्या भरात आत्महत्या केल्याची धक्कादायक घटना कल्याणामध्ये Kalyan उघडकीस आली आहे. धक्कादायक बाब म्हणजे आत्महत्ये Suicide पूर्वी या तरुणाने फेसबुक लाईव्ह Facebook Live करून आपण आत्महत्या करत असल्याचे सांगितले होते हा व्हिडिओ पाहून त्याच्या मित्रांनी त्याच्या घरी धाव घेतली मात्र तोपर्यंत उशीर झाला होता. या तरुणाने गळफास लावून आत्महत्या केली आहे.

हे देखील पहा -

या तरुणाचे नाव अंकुश पवार असे असून तो कल्याण पश्चिम बेतुरकर पाडा येथील साईकृपा इमारतीमध्ये राहत होता. मूळचा हा तरुण जालन्याचा असल्याची माहिती समोर आली आहे. चार वर्षांपूर्वी नोकरीच्या शोधात हा तरुण कल्याण या ठिकाणी आला होता.

अंकुश एका खाजगी रुग्णालयात वॉर्ड बॉय म्हणून काम करत होता अशी माहिती समोर आली आहे. यादरम्यान त्याचे एका तरुणीशी प्रेमसंबंध जुळले. मात्र काही कारणामुळे या दोघांमध्ये वाद झाले आणि याच रागातून प्रेयसीने त्याला ‘मला तुझी गरज नाही, ‘तू मर जा’ असे सुनावले. त्यामुळे दुःखी झालेल्या अंकुशने फेसबुक लाइव्ह करत आत्महत्या केली.

Edited By - Shivani Tichkule