Breaking : किशोरी पेडणेकरांच्या अडचणीत वाढ; एसआरए घोटाळ्याप्रकरणी पोलिसांकडून पुन्हा चौकशी होणार

Kishori Pednekar News : मुंबईच्या माजी महापौर आणि ठाकरे गटाच्या नेत्या किशोरी पेडणेकर (Kishori Pednekar) यांची आज, शुक्रवारी पोलिसांकडून चौकशी करण्यात आली आहे. दादर पोलिसांनी किशोरी पेडणेकर यांची चौकशी केली आहे. दादर पोलिसांनी (Police) एसआरए घोटाळ्यासंदर्भात चौकशी झाल्याचे समोर येत आहे. भाजप नेते किरीट सोमय्या यांनी काही दिवसांपूर्वी किशोरी पेडणेकर यांच्या एसआरए (SRA) घोटाळ्याचे आरोप केले होते. या घोटाळ्यासंदर्भात उद्या पुन्हा किशोरी पेडणेकर यांची चौकशी होणार आहे.

माजी महापौर किशोरी पेडणेकर यांची आज दादर पोलिसांनी चौकशी केली. जूनमध्ये या प्रकरणी दादरमध्ये गुन्हा झाला होता. या प्रकरणात चार जणांना अटक करण्यात आली होती. या प्रकरणात ९ जण पीडित होते. अटक करण्यात आलेल्या चार जणांपैकी एक बीएमसी अधिकारी होता, अशीही माहिती समोर येत आहे.

दरम्यान, याच प्रकरणावरून पेडणेकर यांना उद्या पुन्हा चौकशीसाठी बोलविण्यात आलं आहे. त्यामुळे किशोरी पेडणेकर यांच्या अडचणीत वाढ होण्याची शक्यता आहे.