Mumbai: 'मला काेण थांबवतेय पाहू? ठाकरेंची माफिया सेना की पवारांचे राडेबाज गुंड'

मुंबई : येत्या शनिवारी (ता. २६) भाजप नेते किरीट साेमय्या (kirit somaiya) हे दापाेली (dapoli) दाै-यावर जाणार आहेत. काेकणातील पर्यटनाच्या विकासाआड काेण येत असेल तर त्यांना राेखून धरु असा इशारा राष्ट्रवादी काॅंग्रेस (ncp) आणि शिवसेनेच्या (shivsena) तेथील स्थानिक नेत्यांनी साेमय्यांच्या दाै-याच्या पार्श्वभुमीवर दिला आहे. त्यावर साेमय्यांनी शिवसेनेचे पक्षप्रमुख उद्धव ठाकरे (uddhav thackeray) आणि राष्ट्रवादी काॅंग्रेसचे ज्येष्ठ नेते शरद पवार (sharad pawar) यांच्यावर निशाणा साधला आहे. (kirit somaiya latest marathi news)

साेम्मया म्हणाले यापुर्वी देखील मला कोल्हापूर दौरा, पुण्याचा दौरा करण्यासाठी रोखण्यात आलं होतं. मात्र मी दौरा पूर्ण केला. न्यायालयाने अनिल परब (anil parab) यांचा बेकायदेशिर रिसॉर्ट तोडण्यास परवानगी दिली असताना मुख्यमंत्री उद्धव ठाकरे हे रिसॉर्ट तोडू देत नाही. त्यामुळे मी दापोलीला जाणार आहे. आता उद्धव ठाकरे यांच्या माफिया सेनेत की शरद पवार यांच्या राडेबाज गुंडांमध्ये मला थांबिण्याची ताकत आहे हे बघू या.

दरम्यान नंदकिशोर चतुर्वेदी फरार असून त्यांना आदित्य ठाकरे (aaditya thackeray) यांनी मातोश्रीवर लपवला आहे की रश्मी वहिनी यांनी वर्षा बंगल्यावर लपवले हे सांगावं असेही किरीट सोमय्या यांनी नमूद केले. तसेच चंद्रकांत पटेल याचा ८४ काेटींचा घोटाळा बाहेर आला आहे. पुष्पक ग्रुपचे चंद्रकांत पटेल उद्धव ठाकरे यांच्यासोबत कसे असा सवालही त्यांना उपस्थित केला आहे.

Edited By : Siddharth Latkar