....'तो' मोबाईल नंबर समीर वानखेडेंचा नाहीच!

मुंबई : कार्डिलिया क्रुझ Cardilia Cruise Drugs Case प्रकरणातला पंच असलेला किरण गोसावी याने शाहरूख खानची Shaharukh Khan मॅनेजर पुजा ददलानी व इतरांची दिशाभूल करण्यासाठी दुसरा पंच प्रभाकर साईल याचा मोबाईल नंबर एनसीबीचे NCB झोनल डायरेक्टर समीर वानखेडे Samir Wankhede यांच्या नावाने आपल्या मोबाईलमध्ये सेव्ह केल्याचे समोर आले आहे. Kiran Gosavi impersonated Samir Wankhede number

प्रभाकर साईलनेच ही माहिती मुंबई पोलिसांनी Mumbai Police एसआयटी वर एनसीबीच्या व्हिजिलन्स टीमला दिली आहे. क्रुझवरच्या छाप्याच्या दिवशी गोसावी व वानखेडे यांच्यात कुठलेही संभाषण झाले नसल्याचे या चौकशीत समोर आले आहे. किरण गोसावी सध्या फसवणूक प्रकरणात पुणे पोलिसांच्या Pune Police ताब्यात आहे.

एनसीबीने क्रुझवर छापा टाकला त्या दिवशी गोसावी व पुजा ददलानी यांची भेट झाली होती. या भेटीदरम्यान तू मला मोबाईलवर फोन कर असे गोसावीने साईलला सांगितले होते. त्यावेळी गोसावीने साईलचा नंबर वानखेडेंच्या नावाने सेव्ह केला होता. प्रभाकरशी बोलताना गोसावी समोरच्या व्यक्तीला आपण वानखेडे यांच्याशी बोलत असल्याचे भासवत होता. त्यावेळी तो सर..सर असे म्हणत प्रभाकरशी बोलत होता, हे देखिल साईलने एनसीबी आणि पोलिसांना सांगितले आहे. Kiran Gosavi impersonated Samir Wankhede number

साईलने दिलेल्या या माहितीमुळे एनसीबीच्या तपासाला वेग आला आहे. साईलने सलग दोन दिवस एनसीबीच्या व्हिजिलन्स टीमपुढे आपला जबाब नोंदवला आहे. आता गोसावीचा ताबा मागण्यासाठी एनसीबी न्यायालयात जाणार आहे. दरम्यान, काल ११.४० वाजेपर्यंत एनसीबीने शाहरुख खानचा मुलगा आर्यन खानची चौकशी केली. सुमारे साडेपाच तास ही चौकशी चालली. कार्डिलिया क्रुझवर त्या दिवशी नक्की काय घडलं याबाबत एनसीबीने आर्यन खानकडे चौकशी केल्याचे सूत्रांनी सांगितले आहे.

Edited By - Amit Golwalkar