Kalyan Dombivli : ६५ अनधिकृत इमारत प्रकरणानंतरही KDMC मध्ये बेकायदा बांधकामांचे रजिस्ट्रेशन सुरूच; ठाकरे गटाचा गंभीर आरोप

KDMC News : ६५ बेकायदा इमारत प्रकरण ताजे असताना रजिस्ट्रेशन कार्यालयात बनावट कागदपत्रांच्या आधारे अनधिकृत बांधकामांमधील घरांचे रजिस्ट्रेशन सुरू असल्याचा आरोप ठाकरे गटाचे जिल्हाप्रमुख दीपेश म्हात्रे यांनी केला आहे.
kalyan dombivali building scam
kalyan dombivali building scamsaam tv
Published On

अभिजीत सोनावणे, साम टीव्ही, प्रतिनिधी

कल्याण डोबिंवलीमधील ६५ बेकायदा इमारती बांधकाम प्रकरणी उच्च न्यायालयाने इमारती बेकायदा असल्याचे सांगत कारवाईचा पहिला आदेश दिला. त्या आदेशानंतरही साई गॅलेक्सी या इमारतीमधील एका फ्लॅटचे रजिस्ट्रेशन झाले इतकेच नव्हे तर गेल्या दोन महिन्यापासून डोंबिवलीतील अनधिकृत बांधकामाचे रजिस्ट्रेशन ऑफिसमध्ये खोट्या कागदपत्रांच्या आधारे रजिस्ट्रेशन सुरू असल्याचा धक्कादायक आरोप ठाकरे गटाचे जिल्हाप्रमुख दीपेश म्हात्रे यांनी केला आहे.

ठाकरे गटाचे कल्याण जिल्हाप्रमुख दीपेश म्हात्रे यांनी आज डीसीपी अतुल झेंडे यांची भेट घेतली. '६५ बेकायदा इमारत प्रकरणात हजारो नागरिकांची फसवणूक झाल्यावरही आज देखील फसवणूक सुरु आहे. ६५ बेकायदा इमारत प्रकरणातील मागचा जे आका आहे त्याला शोधा' अशी मागणी जिल्हाप्रमुख म्हात्रे यांनी केली.

'जानेवारी आणि फेब्रुवारी महिन्यात काही बेकायदा बांधकामातील घरांचे रजिस्ट्रेशन झाले आहे. गँग्स ऑफ डोंबिवली या मागे आहे. कागदपत्र तयार करणारे मोठे स्कॅमर आहे. या प्रकरणाचा तपास डीसीपींनी करावा या प्रकरणी पोलिस आयुक्तांचीही भेट घेणार आहे. ज्या लोकांच्या विरोधात या प्रकरणात गुन्हे दाखल आहेत. तेच लोक या रजिस्ट्रेशन घोटाळ्यात आहेत', असे म्हात्रे यांनी म्हटले आहे.

kalyan dombivali building scam
Chhaava : छत्रपती संभाजी महाराजांचा 'छावा' फ्रीमध्ये एक लाख नागरिकांना दाखवणार

आजही रजिस्ट्रेशन कार्यालयात अधिकृत इमारतीचे पेपर लावून अनधिकृत इमारतीमधील घरांचे रजिस्ट्रेशन सुरु आहे. रजिस्टेशन करण्यासाठी तीन लाख रुपये घेतले जात आहेत. त्याच्या मागे कोण आहे. त्याचा तपास डीपीसींनी करावा. त्यासाठी एसआयटी नेमावी. या संदर्भात जे पुरावे सादर केल्याचे म्हात्रे यांनी सांगितले.

kalyan dombivali building scam
Chhatrapati Shivaji Maharaj : 'छत्रपती शिवाजी महाराज नसते, तर माझं नाव...', भाजपच्या बड्या नेत्याचं विधान चर्चेत

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com