Hemant Rasne : भाजपच्या हेमंत रासनेंनी पराभव केला मान्य, पराभवाची कारणेच सांगितली!

Kasba Peth Bypoll Election Result : कसबा विधानसभा पोटनिवडणुकीत भाजपचे हेमंत रासने यांचा पराभव झाला. पराभवानंतर हेमंत रासने यांनी पहिली प्रतिक्रिया दिली आहे.
Kasba Peth Bypoll Election Result, Hemant Rasne
Kasba Peth Bypoll Election Result, Hemant Rasne SAAM TV

Kasba Peth Bypoll Election Result : अवघ्या महाराष्ट्राचं लक्ष लागून लागलेल्या कसबा विधानसभा पोटनिवडणुकीत महाविकास आघाडीचे उमेदवार रवींद्र धंगेकर हे विजयी झाले आहेत. तर भाजपचे हेमंत रासने यांचा पराभव झाला आहे.

पराभवानंतर हेमंत रासने यांनी पहिली प्रतिक्रिया दिली आहे. उमेदवार म्हणून मी कमी पडलो. यामागची कारणे शोधणार आहे. पक्षाने मला संधी दिली, पण मीच कुठेतरी कमी पडलो. हा पराभव मला मान्य आहे, असे रासने यांनी सांगितले. (Latest Marathi News)

Kasba Peth Bypoll Election Result, Hemant Rasne
Ravindra Dhangekar : रवींद्र धंगेकरांनी निकालाआधीच उधळला विजयाचा गुलाल; कार्यकर्त्यांमध्ये भलताच उत्साह

कसबा पोटनिवडणूक मतमोजणी सुरू झाल्यानंतर पहिल्या फेरीपासूनच धंगेकरांनी आघाडी घेतली होती. ती आघाडी कायम ठेवली. विशेष म्हणजे, सदाशिव पेठ, नारायण पेठ, शनिवार पेठ या भागांतील मतमोजणी पूर्ण झाल्यानंतरही धंगेकर हे आघाडीवर राहिले. अखेर धंगेकर यांनी हेमंत रासने यांचा पराभव केला. तब्बल ११०४० मताधिक्याने धंगेकरांनी हा विजय मिळवला.

Kasba Peth Bypoll Election Result, Hemant Rasne
Kasba Peth Election Result : कसब्यात भाजपला मोठा धक्का; २८ वर्षांचा बालेकिल्ला ढासाळला, रवींद्र धंगेकरांचा विजय

२८ वर्षांनी कसब्यात भाजपचा पराभव

कसबा मतदारसंघातील पराभव हा भाजपसाठी मोठा धक्का मानला जात आहे. तब्बल २८ वर्षांनंतर बालेकिल्ला असलेल्या कसब्यात भाजपचा पराभव झाला असून, काँग्रेसचा उमेदवार विजयी झाला आहे.

याआधी १९९२ च्या निवडणुकीत कसब्यामध्ये काँग्रेसचा उमेदवार निवडून आला होता. २००९ मध्येही कसब्यामध्ये रवींद्र धंगेकरांनी गिरीश बापट यांच्याविरोधात निवडणूक लढवली होती. मात्र, त्यावेळी त्यांना विजय मिळवण्यात अपयश आलं. यंदाच्या निवडणुकीत भाजपविरोधी असणारी नाराजी रवींद्र धंगेकरांच्या पथ्यावर पडल्याचं राजकीय विश्लेषकांचं मत आहे.

रवींद्र धंगेकर यांची पहिली प्रतिक्रिया

कसबा मतदारसंघातून विजय मिळवल्यानंतर रवींद्र धंगेकर यांनी पहिली प्रतिक्रिया दिली आहे. आजचा विजय हा जनतेचा आणि महाविकास आघाडीचा आहे, असं रवींद्र धंगेकर म्हणाले.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com