Kasba Peth Election Result: 'शिंदे- फडणवीस सरकार जनतेला अमान्य...' कसब्यातील विजयानंतर अजित पवारांचा हल्लाबोल

Ajit Pawar On Kasba Peth Election Result: यावेळी अजित पवार यांनी राहुल कलाटेंच्या उमेदवारीसाठी जाणीवपूर्वक प्रयत्न केले गेले, ज्याचा फटका बसला, अशी प्रतिक्रिया दिली आहे.
Ajit Pawar
Ajit Pawarsaam tv

Kasba Peth By-Poll Election Result: भाजपचा बालेकिल्ला म्हणून ओळख असलेल्या कसबा मतदार संघ भाजपच्या हातून निसटला आहे. कॉंग्रेसचे उमेदवार रवींद्र धंगेकर हे विजयी झाले आहे. 28 वर्षांनी भाजपचा मोठा पराभव झाला आहे. रवींद्र धंगेकर यांचा 11 हजार 40 मतांनी विजय झाला असून भाजपला हा मोठा धक्का बसला आहे.

गिरीश बापट (Girish Bapat) यांचे नेहमीच वर्चस्व असलेल्या मतदार संघात भाजपचे उमेदवार हेमंत रासने यांना पराभाव स्वीकारावा लागला आहे. या ऐतिहासिक विजयानंतर राष्ट्रवादी कॉंग्रेसचे नेते आणि अजित पवार यांनी पहिली प्रतिक्रिया दिली आहे. (Kasba Peth)

Ajit Pawar
Kasba Peth Election Result : कसब्यातील भाजपच्या पराभवानंतर देवेंद्र फडणवीसांची पहिली प्रतिक्रिया...

काय म्हणाले अजित पवार...

कसबा पेठ मतदार संघातील ऐतिहासिक विजयानंतर बोलताना अजित पवार (Ajit Pawar) यांनी "हा महाविकास आघाडीच्या एकजुटीचा विजय असल्याचे सांगत विजयी उमेदवार रविंद्र धंगेकर यांचे अभिनंदन केले आहे. तसेच याबद्दल पुढे बोलताना त्यांनी ज्या प्रकारे शिंदे- फडणवीस सरकार सत्तेत आले आहे. ते जनतेला आवडले नसून शिंदे फडणवीस सरकार जनतेला अमान्य असल्याची" टीका केली आहे.

"रवींद्र धांगेकर यांना उमेदवारी देऊन आम्ही अर्धी लढाई जिंकलो होतो. तळागाळात काम करणारा कार्यकर्ता म्हणून रविंद्रची ओळख आहे आम्ही सर्व मित्र पक्षांची एकजूट बांधण्यात यशस्वी ठरलो. मुख्यमंत्री, उपमुख्यमंत्री, अनेक मंत्री तिथे होते. सर्व गोष्टींचा वापर सत्ताधाऱ्यांनी तिथे केला. पण जनतेने आम्हाला कौल दिला, अशी प्रतिक्रिया अजित पवार यांनी दिली.

Ajit Pawar
Ravindra Dhangekar : कसब्यात रवींद्र धंगेकरांनी बाजी मारल्यानंतर दिली पहिली प्रतिक्रिया; म्हणाले, 'आजचा विजय...'

चिंचवडमधील पराभवाबद्दल बोलताना अजित पवार यांनी "चिंचवडमध्ये सुद्धा आमचा विजय झाला असता. राहुल कलाटे याला मी सतत सांगितले पण त्यांनी ते ऐकले नाही. कारण तिथून तो उभा रहावा म्हणून काही जण सतत प्रयत्नात होते. नाहीतर दोन्ही जागेवर आमचा विजय झाला असता. पण सत्ताधारी पक्षाने सर्व यंत्रणांचा वापर केला. राहुल व नाना काटे या दोघांची मते बघितली तर ती भाजप उमेदवारा पेक्षा जास्त आहेत," असे अजित पवार म्हणाले..

दरम्यान, अत्यंत चुरशीची ठरलेल्या या निवडणूकीत रविंद्र धंगेकर जायंट किलर ठरले. त्यांनी ४० वर्ष भाजपच्या सत्ता असलेल्या कसबा मतदार संघात ऐतिहासिक विजय मिळवला. त्यांनी ११ हजार ४० इतके मताधिक्य मिळवत हेमंत रासणे यांचा पराभव केला.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com