Pune Kasaba Bypoll Election Result 2023 : कसबा पोटनिवडणुकीनंतर काँग्रेस आणि महाविकास आघाडीच्या कार्यकर्त्यांमध्ये जल्लोषाचं वातावरण आहे. कसब्यात रविंद्र धंगेकर यांच्या विजयानंतर त्यांच्या कार्यकर्त्यांनी विजयोत्सव साजरा केला. धंगेकर यांच्या विजयी मिरवणुकीतील एका परदेशी महिलेचा डान्स व्हायरल होत आहे.
रविंद्र धगेंकर यांच्या विजयामुळे त्यांचे कार्यकर्ते खूश आहेत. मात्र त्यांच्या मिळवणुकीत नाचणाऱ्या परदेशी महिलेला पाहून ही एवढी खूश का असाच प्रश्न अनेकांना पडला. या विजयी रॅलीत ही महिला बेधूंद होऊन नाचताना दिसली. महिलेबद्दल कोणतीही माहिती मिळू शकलेली नाही. मात्र या महिलेनं भन्नाट डान्स करत सर्वांचच मन जिंकलं आहे. (Latest News)
डोक्यावर टोपी, आकाशी रंगाचं शर्ट, लांब स्कर्ट आणि हातात भगवं उपरण घेऊन ही महिला थिरकताना दिसत आहे. 'जो पत्ता करतो गुल पॉवरफुल...' या डीजे गाण्यावर ही महिला बेभान नाचताना दिसली.
रविंद्र धंगेकरांचा 11 हजार मतांनी विजय
कसबा मतदारसंघात रवींद्र धंगेकर यांना ७३,१९४, तर भाजपचे हेमंत रासने यांना ६२,२२४ मते मिळाली. रवींद्र धंगेकर 11,040 मतांनी विजयी झाले आहेत. कसबा भाजपचा गड मानला जातो. तब्बल 28 वर्षांनंतर या ठिकाणी भाजपचा पराभव झाला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
