Dog News : संतापजनक! श्वानाची निर्घृण हत्या; अर्ध जळालेल्या अवस्थेत आढळला मृतदेह

अभिजीत देशमुख

Kalyan Crime News : कल्याणमधून एक धक्कादायक प्रकार समोर आला आहे. एका निष्पाप श्वानाला जाळून मारण्यात आलं आहे. कल्याणच्या १०० फूट रोड परिसरात ही घटना उघडकीस आली आहे. याप्रकरणी कोळशेवाडी पोलीस ठाण्यात तक्रार दाखल करण्यात आली आहे. (Stray Dogs)

मिळालेल्या अधिक माहितीनुसार, कल्याण पूर्व काटेमानिवली परिसरात राहणारे पियूष पालव शंभर फूटी रस्त्यावर नेहमी कुत्र्यांना जेवण देतात. शुक्रवारी सकाळी ते या परिसरात कुत्र्यांना जेवण देण्यासाठी गेले तेव्हा तेथे त्यांना एक कुत्रा अर्ध जळालेल्या अवस्थेत आढळून आला.

अर्धवट जळलेल्या अवस्थेत या कुत्र्याचा मृतदेह असल्याने एखाद्या अज्ञात इसमाने त्याला जाळून मारल्याचे दिसून येत होते . या प्रकरणी पालवे यांनी कोळशेवाडी पोलीस ठाण्यात तक्रार दाखल केली आहे. पोलिसांनी या प्रकरणाचा तपास सुरू केलाय. तसेच आरोपी व्यक्तीचा देखील शोध सुरू आहे.

दरम्यान सदर घटना ही काळ्याजादूसाठी झाली असावी असं म्हटलं जात आहे. तर एखाद्या विक्रूत व्यक्तीने देखील असं करण्याची शक्यता वर्तवली जात आहे. श्वानाची हत्या नेमकी कोणत्या कारणासाठी झाली हे अद्याप स्पष्ट झालेले नाही.