Kalyan: बारच्या नावाखाली वेगळाच प्रकार, तोकडे कपडे घालून अश्लील डान्स; पोलिसांनी सिनेस्टाईल छापा टाकला

Kalyan Bar Raid: कल्याणमधून एक धक्कादायक घटना समोर आली आहे. पोलिस एसीपी कार्यालयाच्या हाकेच्या अंतरावर असलेल्या बारमध्ये महिलांकडून अश्लील डान्स सुरू असल्याची माहिती मिळाल्यानंतर पोलिसांनी बारवर धाड टाकली.
Dance Bar
Dance BarSaam Tv
Published On

अभिजीत देशमुख, साम टीव्ही

कल्याणमधून एक धक्कादायक बातमी समोर येत आहे. एका बारमध्ये अश्लील डान्सचा प्रकार सुरू असल्याची माहिती समोर आली आहे. याची माहिती पोलिसांना मिळताच त्यांनी बारमध्ये सुरू असलेल्या अश्लील प्रकाराचा पर्दाफाश केला. तसेच पोलिसांनी छापा टाकून ६ महिला सिंगरसह एकूण २३ जणांना ताब्यात घेतले. या प्रकरणानंतर कल्याणमध्ये खळबळ उडाली आहे.

ही धाड पोलिसांकडून पहाटे पावणे दोन वाजण्याच्या सुमारास टाकण्यात आली. नियमांच्या पूर्णपणे विरोधात, हा बार निर्धारित वेळेपेक्षा जास्त वेळ सुरू होता. बारमध्ये महिलांकडून अश्लील कपडे घालून डान्स केला जात होता. याची माहिती पोलिसांना मिळताच त्यांनी ही धडक कारवाई केली. झोन ३ आणि गुन्हे प्रकटीकरण पथकाने संयुक्त कारवाई करत बारवर छापा टाकला, आणि ६ महिला सिंगर, बार मालक, मॅनेजर, वेटर आणि ग्राहक अशा एकूण २३ जणांना ताब्यात घेतलं.

Dance Bar
BJP Leader: 'माझा पती दुसऱ्या महिलेसोबत शारीरिक संबंध..' भाजप नेत्याच्या मुलाचे १३० अश्लील व्हिडिओ व्हायरल

धाडी दरम्यान पोलिसांनी घटनास्थळी पंचासमक्ष पंचनामा करत २८,९८० रुपयांचा मुद्देमाल देखील जप्त केला आहे. या कारवाईत बार मालक, मॅनेजर, वेटर, ग्राहक आणि महिला सिंगर अशा २३ जणांविरोधात कारवाई करण्यात आली असून, त्यांच्या विरोधात महात्मा फुले पोलीस ठाण्यात गुन्हा दाखल करण्यात आला आहे.

Dance Bar
Crime News: गर्लफ्रेंडसोबत हॉटेलमध्ये गेला, शक्तीवर्धक गोळ्या खाल्ल्या; ९ तास दार बंदच, शेवटी हॉटेल कर्मचाऱ्यांनी..

हे प्रकरण समोर आल्यानंतर कल्याण-डोंबिवली परिसरात चर्चा सुरू झाली आहे की, पोलिस एसीपी कार्यालयाच्या हाकेच्या अंतरावरच जर नियम धाब्यावर बसवले जात असतील, तर पोलिसांचा धाक उरला आहे का? असा प्रश्न नागरिक विचारू लागले आहेत. पुढील तपास महात्मा फुले पोलीस करत असून, या प्रकरणाने बार चालकांच्या बेधडक कारभारावर आणि पोलिस यंत्रणेच्या कार्यक्षमतेवर प्रश्नचिन्ह निर्माण केले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com