गुन्हेगारांवर लवकरात लवकर कारवाई करावी; ईराणी समाजाकडून मागणी

पुणे - अखिल भारतीय ईराणी समाजाच्यावतीने शिवाजीनगर Shivaji Nagar येथील गुन्हेगारी तसेच अनधिकृत व्यवसायिकांना आळा घालण्यासाठी या परिसरात सीसीटीव्ही बसवण्यात यावी तसेच येथे राहत असलेल्या या समाजाच्या मुलांना शिक्षणाच्या प्रवाहात आणण्यासाठी शासनाने मदत करावी आणि जे गुन्हेगार दहशत माजवत आहे. अश्या लोकांवर कारवाई करण्यात यावी अश्या विविध मागणीसाठी गेल्या 13  दिवसांपासून डॉ.बाबासाहेब आंबेडकर Babasaheb Ambedkar पुतळ्याच्याबाहेर उपोषण सुरु करण्यात येत आहे.

हे देखील पहा -

तरुणांना शिक्षणाच्या मुख्य प्रवाहात आणावे

शिवाजीनगर येथील पाटील स्टेट परिसरात गेल्या अनेक वर्षांपासून इराणी समज राहत आहे.काही गुन्हेगारी करणाऱ्या लोकांच्यामुळे परिसरात काहीही झालं कि या समाजाच्याच लोकांनी गुन्हे केलं आहे असं समजून या समाजातील तरुणांना अटक करणे तसेच जे गुन्हेगार व्यक्ती आहे ते या समाजातील तरुणांना धमकावून गुन्हेगारी करण्यास प्रवृत्त केलं जात आहे.आज या समाजातील तरुण - तरुणी हे शिक्षणापासून वंचित राहत आहे.या समजातील तरुणांना शिक्षणासाठी मुख्य प्रवाहात आणण्यासाठी शासनाने मदत करावी.तसेच येथे चालत असलेल्या गुन्हेगारीला आळा घालण्यासाठी परिसरात सीसीटीव्ही लावण्यात यावे. या समाजाच्या लोकांना रोजगार मिळावं यासाठी विविध उपाय योजना कराव्या अशी मागणी यावेळी अखिल भारतीय इराणी समाजाचे अध्यक्ष अलिरझा ईराणी यांनी केली आहे.

गुन्हेगारी करणाऱ्या लोकांवर लवकरात लवकर कारवाई करावी

आज या समाजाच्या तरुणांना गुन्हेगारीप्रवृत्तीचे जे लोक आहे ते या तरुणांना धमकावून त्यांना नशा करणे,गुन्हेगारी करणे यासाठी प्रवृत्त करत आहे.आज सर्वच समाजाचे लोक हे शिक्षण घेऊन पूढे जात आहे मात्र याच समाजाचे काही गुन्हेगार लोक या तरुणांना पुढे जाऊ देत नाही.त्यांना त्यांच्यातच अडकावून ठेवत आहे.यासाठी प्रशासनाने काहीतरी प्रयत्न केल पाहिजे आणि जे खुलेआम गुन्हेगारी करत आहे अश्या लोकांवर लवकरात लवकर कारवाई करण्यात यावी अशी मागणी देखील यावेळी करण्यात आली आहे.

Edited By - Shivani Tichkule