![Devendra Fadnavis](http://media.assettype.com/saamtv%2F2022-03%2Fff65e2fb-a4f7-4920-9b6c-0b3cf0076e80%2FSaam_Templet_Banner_new___2022_03_09T162616_168.jpg?w=480&auto=format%2Ccompress&fit=max)
सुशांत सावंत -
मुंबई : विरोधकांना नामोहरम करण्याचा कट कसा रचला जातोय हे उघड करणाऱ्या विरोधी पक्षनेते देवेंद्र फडणवीस (Devendra Fadnavis) यांच्या सुरक्षेची जबाबदारी सरकारची असून त्यांच्या सुरक्षेत वाढ करा, अशी मागणी भाजपा नेते आमदार अॅड आशिष शेलार (Ashish Shelar) यांनी राज्य सरकारकडे केली आहे.
याबाबत माध्यमांशी बोलताना शेलार म्हणाले की, 'हा महाभयंकर कट असून विरोधी पक्षनेते 'देवेंद्र फडणवीस यांनी सादर केलेल्या पुराव्यात बेकायदेशीर शस्त्रास्त्रांचा वापर, पोलीस यंत्रणाचा गैरवापर या सर्व बाबींचे धागे-दोरे एकमेकांशी गुंतलेले आहेत. देवेंद्र फडणवीस यांनी दाऊद इब्राहिम याच्या मालमत्तेचा कट देखील उलगडला आहे. एकूण पाहता हा महाभयंकर कट दिसत असल्याने देवेंद्र फडणवीस यांची सुरक्षा तात्काळ वाढवावी अशी मागणी आमदार आशिष शेलार यांच्याकडून करण्यात आली आहे.
सरकारी वकिलांचीही सुरक्षा वाढवा -
सरकारी वकिलांची देखील सुरक्षा वाढवावी. देवेंद्र फडणवीस यांनी सादर केलेले पुरावे ज्या कटाबद्दल होते. त्या कटाचा मास्टर माईंड विशेष सरकारी वकील अॅडव्होकेट प्रविण चव्हाण (Advocate Pravin Chavan) आहेत. त्यामुळे विशेष सरकारी वकील चव्हाण यांच्याशी कोणाच्या गाठीभेटी होत आहेत. कोण व्यक्ती त्यांना भेटण्यासाठी त्यांच्या कार्यालयात अथवा घरी जात आहेत. यावर लक्ष ठेवणे गरजेचे आहे. एवढ्या मोठ्या गटाचे मास्टरमाइंड चव्हाण असल्याने त्यांचीही सुरक्षा महत्त्वाची असून राज्य सरकारने विशेष सरकारी वकील यांनादेखील अधिक सुरक्षा पुरवावी अशीही मागणी अशी शेलार यांनी केली आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.