Breaking: अँटॉप हिल परिसरात घर कोसळलं, 9 जणांना बाहेर काढण्यात यश

मुंबईत - अँटॉप हिल परिसरात एक घर कोसळले. या अपघातात नऊ जण जखमी झाले असून त्यांना रुग्णालयात दाखल करण्यात आले आहे. अग्निशमन दलाच्या 4 गाड्या घटनास्थळी पोहोचल्या आहेत. या प्रकरणाचा तपास अँटॉप हिल पोलीस करत आहेत. सकाळी आठ वाजेच्या सुमारास ही घटना घडली असल्याची माहिती देण्यात आली आहे.

अँटॉप हिल परिसरातील जय महाराष्ट्र नगर येथे गोडाऊनचे काम सुरू असताना ही दुर्घटना घडली आहे. सध्या या ठिकाणी अग्निशमन दलाच्या जवानांचे बचाव कार्य सुरू आहे. जखमींना जवळच्या सायन रुग्णालयात दाखल करण्यात आले आहे.