Dhulivandan 2023 :'आला होळीचा सण लय भारी...'; राज्यभरात उत्साहात साजरं होतंय धुलिवंदन, काय आहे यंदा विशेष कारण?

राज्यभरात मोठ्या उत्साहात धुळीवडीला सुरुवात झाली आहे. सकाळपासून तरुणाई रंगात न्हाऊन निघाली आहे.
Dhulivandan 2023
Dhulivandan 2023Saam tv

Dhulivandan Festival 2023 : राज्यभरात मोठ्या उत्साहात धुळवडीला सुरुवात झाली आहे. सकाळपासून तरुणाई रंगात न्हाऊन निघाली आहे. आला होळीचा सण लय भारी...असे गाण्याचे बोल अनेक तरुणांच्या ओठी दिसून येत आहे. मुंबई ते नागपुरात मोठ्या उत्साहात नागरिक धुळवड साजरी करताना दिसत आहे. कोरोनाच्या सावटानंतर पहिल्यांदा यंदा निर्बंधमुक्त रंगोत्सव साजरा होत असल्याने तरुणाईंमध्ये आनंद दुणावला आहे.

राज्यात सर्वत्र धुळवडीच्या सकाळपासून तरुणाई आनंद घेताना दिसत आहे. राज्यभरातील अनेक छोट्या-मोठ्या शहरात एकत्रित रंगोत्सव साजरा केला जात आहे. राज्यात अनेक शहरात कायदा सुव्यवस्थेचा प्रश्न निर्माण होऊ नये यासाठी अनेक ठिकाणी चोख पोलीस बंदोबस्त लावण्यात आला आहे.

तरुणांबरोबर अबाल वृद्ध देखील धुळवडीचा आनंद घेत आहेत. मुंबईच्या शिवाजी पार्कमध्येही रोज पहाटे ६ वाजता धावण्यासाठी येणाऱ्या तरुणाईने आज रंगाची उधळण केली. तर अनेक जण व्यायाम झाल्यानंतर रंगांची उधळण करत आहेत. त्याचबरोबर घरी जाऊन पुरणपोळीवर ताव मारण्याचा बेत या तरुणाईचा आहे.

Dhulivandan 2023
Holi Colors Removing Tips : कितीही चेहऱ्याला साबण लावला तरी होळीचा रंग जात नाही? मग या 3 ट्रिक्स फॉलो करा

मुंबईच्या काळाचौकीच्या शहीद भगतसिंग मैदानात पहाटेपासूनच नागरिक धुळवडीसाठी एकत्र जमले आहेत. एकमेकांना रंग लावून शुभेच्छा दिल्या जात आहेत. मॉर्निंग वॉक झाल्यावर जेष्ठ नागरिक आणि महिलांनी सुद्धा रंगांची उधळण करत गाण्याचा तालावर ठेका धरताना दिसत आहे.

नागपुरातही जोरदार जल्लोष

नागपुरातही (Nagpur) सकाळपासून तरुणाई धुळवडीचा आनंद लुटत आहे. नागपुरात सर्वत्र धुळवळीचा आनंद आहे. शहरातील अनेक सोसायटीमध्ये एकत्रित रंगोत्सव साजरा केला जात आहे. शहरात कायदा सुव्यवस्थेचा प्रश्न निर्माण होऊ नये यासाठी चोख पोलीस बंदोबस्त लावण्यात आला आहे.

Dhulivandan 2023
Bhang Holi 2023 : भांग प्यायल्यानंतर तीचा ओवरडोस का होतो? माणसं इतकी आनंदी का होतात?

सिंहगड एक्सप्रेसमध्ये चाकरमान्यांनी केली रंगांची उधळण

राज्यभरातील सर्वच नागरिक सर्वत्र धुळवडीचा आनंद लुटताना दिसत आहे. मुंबई-पुणे (Pune) रेल प्रवास करणाऱ्या चाकरमान्यांनी सिंहगड एक्स्प्रेसमध्ये रंगाची उधळण करत धुळवड साजरी केली. पुणे मुंबई रेल्वे प्रवास करताना एकमेकांच्या सुख दुःखात सहभागी असणारे पिंपरी-चिंचवड रेल्वे प्रवासी संघटनेच्या वतीने ही धुळवड कर्जत ते लोणावळा दरम्यान साजरी करण्यात आली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com