Pune Traffic Jam Video: पुणे - सोलापूर महामार्गावर प्रचंड वाहतूक कोंडी; अंबादास दानवेंनाही बदलावा लागला मार्ग

ज्ञानेश्वर हिंगोलीकर, पुणे

Pune Traffic Jam News: पुण्यात वाहतूक कोंडीची समस्या दिवसेंदिवस वाढत आहे. पुण्यातील पुणे-सोलापूर या महामार्गावर प्रचंड वाहतूक कोंडी झाली आहे. पुण्याच्या (Pune) हडपसर परिसरात वाहनांच्या लाबं रांगा लागल्या आहेत. हडपसर पुलावर गेल्या तासाभरापासून वाहनं अडकून पडली आहेत. या वाहतूक कोंडीचा (Traffic Jam) फटका विधान परिषदेचे विरोधी पक्षनेते अंबादास दानवे यांनाही बसला आहे. वाहतूक कोंडी टाळण्यासाठी अंबादास दानवेंना आपल्या मार्गात बदल करावा लागला आहे. (Pune Latest News)

पाहा व्हिडिओ -

मिळालेल्या माहितीनुसार या वाहतुक कोंडीमुळे रस्त्यावर ३ ते ४ किलोमीटरपर्यंत वाहनांच्या रांगा लागल्या होत्या. विधान परिषदेचे विरोधी पक्षनेते अंबादास दानवे हे याच मार्गाने लोणी काळभोरला जाणार होते. मात्र, वाहतूक कोंडी टाळण्यासाठी अंबादास दानवेंना आपल्या मार्गात बदल करावा लागला आहे.

दिवाळीचा सण असल्याने मोठ्या चाकरमानी मोठ्या प्रमाणात पुण्यात आपापल्या घरी येत आहेत, त्यामुळे अतिरिक्त वाहतुक वाढली आहे. शिवाय मोठी आणि अवजड वाहने यांमुळे वाहतुक धीम्या गतीने होते. या प्रचंड मोठ्या वाहतुकीवर नियंत्रण करणाऱ्या वाहतुक पोलिसांची संख्याही कमी असल्याने ही वाहतुक कोंडी होत आहे.

Edited By - Akshay Baisane