मार्चअखेरीस उष्णतेची लाट! राज्यात तापमान दोन-तीन अंश सेल्सियसने वाढणार (पहा Video)

अश्विनी जाधव केदारी

पुणे: राज्यातील अनेक भागांत उकाडा जाणवत आहे, मागील काही दिवस तापमानाचा पारा खाली घसरला होता मात्र आता पुन्हा तापमानात वाढ होताना दिसत आहे. राज्यातील काही भागात तर उष्णतेची लाट येणार असल्याचा अंदाज हवामान खात्याकडून (IMD) वर्तवण्यात आला आहे. (Heat Wave In Maharashtra)

पहा व्हिडीओ-

देशभरातील उष्णतेच्या लाटेचा (Heat Wave) हा परिणाम असल्याचे बोलले जात आहे. राज्यातील विदर्भ, मराठवाडा, मध्य महाराष्ट्रच्या काही भागात उष्णतेची लाट येऊ शकते. त्यामुळे आवश्यक नसल्यास घराबाहेर न पडण्याचा आणि जास्तीत जास्त पाणी पिण्याचा सल्ला तज्ज्ञांनी दिला आहे. (Maharashtra Weather Update)

पुण्यात वातावरण कसे असेल?

पुणे शहर (Pune) आणि परिसरात दुपार नंतर अंशतः ढगाळ वातावरणाची शक्यता वर्तवली असून उकाडा मात्र कायम राहणार असल्याचा अंदाज आहे. पुणे जिल्ह्यातील काही भागात आज 40 च्या पुढेही तापमान गेले होते, पुढील आठवडा भरात कमाल आणि किमान तापमानात वाढ होण्याची शक्यता आहे. (Pune Weather Today)