पुणे: १२ वीच्या विद्यार्थांसाठी एक महत्त्वाची बातमी आली आहे. १२ वीच्या परीक्षांचे हॉल तिकीट (प्रवेशपत्र) उद्या मिळणार आहेत. राज्य माध्यमिक आणि उच्च माध्यमिक मंडळातर्फे घेण्यात येणाऱ्या 12 वीच्या परीक्षेचे प्रवेशपत्र उद्या ऑनलाईन पद्धतीने उपलब्ध होणार आहेत. www.mahahssboard.in या संकेतस्थळावर उद्या दुपारी 1 वाजेनंतर उपलब्ध होणार आहेत. शाळा आणि कॉलेज कडून विद्यार्थ्यांना ऑनलाईन प्रवेशपत्रे प्रिंट करुन दिली जाणार आहेत. (12th admit card 2022 released Latest news)
दरम्यान राज्यात दहावी (SSC) आणि बारावीची (HSC) परीक्षा नियोजित वेळापत्रकानुसार ऑफलाइन (Offline) होणार आहे. राज्य मंडळ ऑफलाइन परिक्षांवर (Exam) ठाम असून ११ फेबुवारीपासून प्रात्यक्षिक परीक्षेकरिता लागणारे साहित्य जिल्हा केंद्रावरून वाटपाला सुरुवात होणार आहे. बुधवारी राज्य शिक्षण मंडळाची (State Board of Education) विभागीय मंडळांसोबत ऑनलाइन (Online) बैठक पार पडली. या बैठकीमध्ये दहावी आणि बारावीच्या परीक्षा या नियोजित वेळापत्रकानुसार ७५ टक्के अभ्यासक्रमावर लेखी, तर ४० टक्के अभ्यासक्रमावर प्रात्यक्षिक परीक्षा ऑफलाइन होणार आहेत. (SSC HSC Board exam offline )
मुंबई (Mumbai), नागपूर, पुणे (Pune) आदी शहरामध्ये ‘परीक्षा पुढे ढकला अन्यथा ऑनलाइन घ्या’, म्हणत विद्यार्थी (Student) रस्त्यावर आले होते. यानंतर ऑनलाईन परीक्षा घ्यावी असा एक मतप्रवाह तयार झाला होता. मात्र, यावर बोर्डाने ऑफलाईन परीक्षा घेण्यावर ठाम असल्याचे स्पष्ट केले आहे. पुण्यात बोर्डाने पत्रकार परिषदेचे घेवून परीक्षा ऑफलाईन होणार असल्याची घोषणा केली होती. परीक्षेसाठी मुख्य परीक्षा केंद्र निश्चिती पूर्ण झालेली आहे.
Edited By: Pravin Dhamale
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.