झुंज अपयशी ठरली; गोविंदा प्रथमेश सावंतचा उपाचारादरम्यान मृत्यू

मुंबई : दहीहंडीचे (Dahi Handi) थर लावताना जखमी झालेल्या प्रथमेश सावंत या 22 वर्षीय गोविंदाचा मृत्यू झाला आहे. गेल्या अनेक दिवसांपासून प्रथमेशवर मुंबईतील केईएम रुग्णालयात उपचार सुरु होते. (Mumbai News)

प्रथमेशवर गेल्या दोन महिन्यांपासून केईएम रुग्णालयात उपचार सुरु होते. प्रथमेश मदत मिळावी म्हणून साम न्यूजने देखील प्रयत्न केले होते. त्यानंतर सर्वच स्तरातून प्रशमेशला मदतीचे हात पुढे आले होते. मुख्यमंत्री, मुंबई काँग्रेस, शिवसेना सगळ्यांनी मदतीसाठी पुढे आले.

प्रथमेश सावंत करीरोड येथील साईभक्त क्रीडा मंडळ पथकातील गोविंदा होता. प्रथमेश थर लावताना पडल्याने जखमी झाला होता. त्यामुळे त्याला मणक्याच्या पॅरेलिसीसला सामोरे जावे लागले. प्रथमेश सावंत हा गेल्या अनेक दिवसांपासून मुंबईतील के.ई. एम. रुग्णालयात उपचार घेत होता. प्रथमेश सावंत याचे आईवडील नसून त्याचा सांभाळ नातेवाईक करत होते.