पुणे - विश्रांतवाडी पोलीस (Police) ठाण्याच्या हद्दीत पोलिसांचा गुन्हेगारावरील वचक कमी झाल्याचे चिञ दिसून येत आहे. विश्रांतवाडी (Vishrantwadi) परिसरात गुन्हेगार हातात धारधार हत्यारे घेऊन राडा करत असल्याचे दिसून येत आहे. कळस मध्ये दोन गटात झालेल्या वादात तरुणांच्या टोळक्याने हातात हत्यारे घेऊन परिसरात दहशत माजवली. रस्त्यावर उभ्या असलेल्या गाड्या देखील फोडल्या असल्याने नागरिकांमध्ये भितीचे वातावरण आहे. (Pune Crime Latest News)
हे देखील पहा -
रविवारी रात्री अकराच्या सुमारास घडलेल्या या घटनेचे व्हिडीओ व्हायरल झाले असून हातामध्ये हत्यारे घेऊन तरूण मागे लागल्याचे दिसत आहेत. याप्रकरणी विश्रांतवाडी पोलीस ठाण्यात गोंधळ घालणाऱ्या दोन्ही गटातील संशयित आरोपींवर गुन्हा दाखल झाला आहे.
दोन दिवसांपूर्वी अशाच प्रकारे धानोरीतील मुंजाबा वस्ती मध्ये देखील आठ ते दहा जणांच्या टोळक्याने कोयते, तलवारी, दांडके घेऊन दुकाने आणि टपऱ्यांची तोडफोड करत आरडाओरडा करून दहशत माजवली होती. त्यामुळे एकंदरीतच विश्रांतवाडी पोलिसांचा गुन्हेगारावरील वचक कमी झाला असल्याने हद्दीत कायदा आणि सुव्यवस्थेचा प्रश्न निर्माण झाला आहे.
Edited By - Shivani Tichkule
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
