दुहेरी मोकातील आरोपी गणेश गायकवाडची फिर्यादीलाच फ्रेंड्स रिक्वेस्ट?

पुणे - दुहेरी मोक्का अंतर्गत उद्योगपती गायकवाड पिता-पुत्र येरवडा मध्यवर्ती कारागृहात आहे. तरीही त्यातील कॉंग्रेसचे माजी पदाधिकारी असलेले गणेश गायकवाड हे सोशल मिडियाचा वापर करतोय का? असा प्रश्न निर्माण झाला आहे. कारण पिंपरी-चिंचवडमधील फिर्यादी महेश काटे यांना गणेश गायकवाड या फेसबुक अकाउंटवरून फ्रेंड्स रिक्वेस्ट आली आहे. त्यामुळे ते घाबरून गेले असून त्यांनी पुणे आणि पिंपरी-चिंचवड पोलिसांत याप्रकरणी तक्रार दिली आहे.

हे देखील पहा -

गणेश गायकवाड हा येरवडा तुरुंगात असल्याने पुणे पोलिसांनी याबाबत तुरुंग प्रशासनाला कळविले आहे. त्यामुळे गणेश गायकवाड यांनी कारागृहातून मोबाईलचा वापर केला की काय असा प्रश्न निर्माण झाला आहे. पण, त्यासाठी तुरुंगातील सेलची झडती घ्यावी लागणार आहे. दुसरी शक्यता अशी देखील आहे की गणेश गायकवाड यांच्या फेसबुक अकाउंटचा तुरुंगाबाहेरील दुसरी व्यक्ती किंवा गणेश यांच्या सांगण्यावरून त्याचा बाहेरील साथीदार वापर करीत असल्याचीही शक्यता आहे. कालपर्यंत गणेशचे हे अकाउंट अॅक्टिव्ह होते, असे तक्रारदाराचे म्हणणे आहे.

Edited By - Shivani Tichkule