Ganpati Special Train 2025 : गणपतीत कोकणात जाताव? मध्य रेल्वेने मोठी घोषणा, वाचा सविस्तर

गणेशोत्सवात कोकणात जाणाऱ्यांसाठी मध्य रेल्वेनी मोठी घोषणा केली आहे. मध्य रेल्वेने गणेशोत्सवानिमित्त लोकमान्य टिळक टर्मिनस आणि मडगाव दरम्यान ६ अतिरिक्त विशेष गाड्यांचं नियोजन केलं आहे. त्यामुळे मध्य रेल्वेने जाहीर केलेल्या एकूण गणपती विशेष गाड्यांची संख्या आता ३०२ झाली आहे

गणेशोत्सवाच्या पार्श्वभूमीवर गणेशभक्तांच्या सोयीसाठी लोकमान्य टिळक टर्मिनस आणि मडगाव दरम्यान ६ अतिरिक्त गणपती विशेष ट्रेन चालवण्यात येणार आहेत. मध्य रेल्वेने आधी २९६ गणपती विशेष ट्रेनव्यतिरिक्त या ६ ट्रेन चालवण्यात येणार आहे. यामुळे गणपती विशेष ट्रेनची एकूण संख्या आता ३०२ झाली आहे.

६ गणपती विशेष गाड्यांचा तपशील पुढीलप्रमाणे

लोकमान्य टिळक टर्मिनस– मडगाव – लोकमान्य टिळक टर्मिनस साप्ताहिक विशेष ट्रेन (एकूण ६ सेवा)

साप्ताहिक विशेष गाडी लोकमान्य टिळक टर्मिनस येथून सोमवारपासून २५.०८.२०२५, ०१.०९.२०२५ आणि ०८.०९.२०२५ रोजी ०८.२० वाजता सुटेल आणि त्याच दिवशी २२.४० वाजता मडगाव येथे पोहोचेल.

साप्ताहिक विशेष गाडी मडगाव येथून रविवार दि. २४.०८.२०२५, ३१.०८.२०२५ आणि ०७.०९.२०२५ रोजी १६.३० वाजता सुटेल. त्यानंतर दुसऱ्या दिवशी ०६.०० वाजता लोकमान्य टिळक टर्मिनस येथे पोहोचेल.

थांबे: ठाणे, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, आडवली, विलवडे, राजापूर रोड, वैभववाडी रोड, कणकवली, सिंधुदुर्ग, कुडाळ, सावंतवाडी रोड, थिवी आणि करमळी.

संरचना: १ वातानुकूलित द्वितीय श्रेणी, ३ वातानुकूलित तृतीय श्रेणी, २ इकोनॉमी वातानुकूलित तृतीय श्रेणी, ८ शयनयान, ४ सामान्य द्वितीय श्रेणी, १ द्वितीय आसन व्यवस्था असलेला गार्ड ब्रेक व्हॅन आणि १ जनरेटर व्हॅन.

आरक्षण : गणपती विशेष गाड्यांसाठी 5 ऑगस्टपासून सर्व संगणकीकृत आरक्षण केंद्रांवर आणि रेल्वेच्या अधिकृत संकेतस्थळावर सुरू होईल. अनारक्षित डब्यांचे बुकिंग यूटीएस प्रणालीद्वारे करता येईल. तसेच सुपरफास्ट मेल/एक्सप्रेस गाड्यांसाठी लागू असलेल्या सामान्य शुल्कानुसार आकारले जाईल.