'गांधी परिवार काँग्रेसचं ह्रदय, त्यांच्याबद्धल अपप्रचार करणाऱ्यांना किंमत नाही'

भूषण शिंदे -

मुंबई : आज काँग्रेस प्रदेशाध्यक्ष नाना पटोले (Nana Patole) यांच्या अध्यक्षतेखाली मुंबईमधील गांधी भवनामध्ये काँग्रेसची एक बैठक आयोजित केली होती. ही बैठक संघटनात्मक आणि पक्ष बांधणीसाठी होती. या बैठकीदरम्यान पटोलेंनी माध्यमांशी संवाद साधला यावेळी ते म्हणाले, आता झालेल्या निवडणुकीत आम्ही नेकमे कुठे कमी पडलो याविषयी आजच्या बैठकीत चर्चा करण्यात आली, तसंच आम्ही गांधी घराण्याच्या पाठिशी आहोत, 2024 मध्ये काँग्रेस चे सरकार आणायचे यासाठीच आजची बैठक असल्याचं त्यांनी सांगितलं.

दरम्यान, विधानसभा अध्यक्षपदाबाबत (Assembly Speaker) त्यांना प्रश्न विचारला असता ते म्हणाले, माननीय हाय कोर्टाने दिलेले निर्देश सुप्रीम कोर्टात हे प्रकरण आहे. मात्र हे प्रकरण कोर्टात अजून आले नाही. राजकारण न करता भाजपा (BJP) जे सांगत आहे ते न ऐकता राज्यपाल आम्हाला सहकार्य करतील असा आम्हाला विश्वास असल्याचं ते म्हणाले.

ऑन गांधी परिवार याना अध्यक्षपद देण्याबाबत गांधी परिवार हा काँग्रेसचं ह्रदय आहे, माथेफिरू कोणी असे बोलत असेल तर ते योग्य नाही. राहुल प्रियांका आणि सोनिया यांच्या बद्धल कोणी अपप्रचार करत असेल तर कार्यकर्त्यांमध्ये त्याला किंमत राहणार नाही. 'द काश्मीर फाईल्स' (The Kashmir Files)सारखा गोंधरा हत्याकांड आणि पुलवामा सारख्या विषयावर सत्य परिस्थिती दाखवा, यांच्यावर ही सिनेमा व्हायला पाहिजेत अशी आमची मागणी आहे असही नाना पटोले म्हणाले.

Edited By - Jagdish Patil