आजपासून राज्यात 'या' वयोगटातील नागरिकांचे लसीकरण सुरू

मुंबई - आजपासून राज्यात ३० ते ४४ वयोगटातील नागरिकांच्या कोरोना लसीकरणाला सुरुवात होणार आहे. याशिवाय या मोहिमेसोबतच ४५ वर्षांवरील नागरिकांचे लसीकरण नियमितपणे सुरू राहणार आहे, अशी माहिती आरोग्यमंत्री राजेश टोपे यांनी दिली आहे.

 तर १८ ते ४४ या वयोगटातील नागरिकांच्या लसीकरणाबाबत प्राधान्यक्रम ठरविण्याची मुभा केंद्र शासनाने राज्यांना दिली असून त्यानुसार राज्याच्या आरोग्य विभागाने लसीकरणाच्या योजनासाठी वयोगटाचा टप्पा निश्चित केला आहे.

हे देखील पहा -

शासकीय लसीकरण केंद्रावर लसीकरणासाठी ऑनलाइन पूर्वनोंदणी आणि प्रत्यक्ष केंद्रावर जाऊन देखील करता येणार आहे.३० ते ४४ वयोगटातील नागरिकांच्या लसीकरण सत्रांचे नियोजन करण्याकरिता कोविन अॅपमध्ये आवश्यक ते बदल करण्यात येणार असल्याची माहिती देण्यात आली आहे.

मागील काही दिवसांपासून राज्यात कोरोना रुग्णांची संख्या घटली आहे. दुसरी लाट ओसरत असल्यामुळे आता लोक घराबाहेर पडू लागले आहे. रुग्णसंख्या कमी झाल्यामुळे कोरोना प्रतिबंधक लसीकरण युद्धपातळीवर राबवणे गरजेचे आहे. तसे प्रयत्न विविध जिल्ह्यातील आरोग्य प्रशासनाकडून केले जात आहेत.  या लसीकरणा मोहिमेमुळे राज्यातील अधिकाधिक नागरिकांचे लसीकरण होणार आहे. राज्य शासनाने लसीकरणाचे ठरवलेले लक्ष्य गाठण्यासाठी वेगाने वाटचाल करणार आहे.

Edited By - Shivani Tichkule