चार वर्षाच्या मुलाने सर केला कठीण असा भैरवगड!

कल्याण : कल्याण मधील ओम महादेव ढाकणे (०४ वर्ष) या चिमुकल्याने सह्याद्रीच्या पर्वत रांगेतील सर्वात कठीण असा समजला जाणारा किल्ले "मोरोशीचा भैरवगड" (Bhiaravgad) सर करून पुन्हा एकदा कल्याण (Kalyan) शहराच्या मुकुटात कौतुकाचा तुरा खोवला आहे. याआधीही महाराष्ट्रातील सर्वात लहान गिर्यारोहक म्हणून त्याने कल्याणच्या श्री. मलंगगड सर करून यशाला गवसणी घातली होती.

हे देखील पहा :

दरम्यान, मोरोशीचा भैरवगड  हा किल्ला सर करणारा सर्वात लहान गिर्यारोहक असून त्याने कल्याण शहराचे नाव अधिक उंचावर नेले आहे. कल्याण मधील "सह्याद्री रॉक ऍडव्हेंचर" हा संघ सह्याद्रीच्या (Sahyadri) खोऱ्यात धाडसी मोहिमा नित्यनेमाने आखत असतो.

"सह्याद्री रॉक ऍडव्हेंचर" ने  रात्री ०१ वाजता मोरोशी या गावातून ट्रेकला सुरुवात केली आणि  जंगलातील वाट तुडवत मोरोशीच्या भैरवगडाच्या माचीवर सुमारे पहाटे ३ ला पोहचल्यानंतर तिथे थोडा आराम करून पुन्हा एकदा कड्याच्या पायथ्याशी पोहचण्यासाठी सुमारे १ तासाचा ट्रेक केला आणि नंतर सकाळी पुन्हा पवन घुगे, दर्शन देशमुख, रणजित भोसले, भूषण पवार, अक्षय जमदरे, राजेश गायकर, प्रशिल अंबाडे, लतीकेश कदम आणि विकी बोरकुले यांच्या मदतीने गड चढत ओमने गड सर केला.

Edited By : Krushnarav Sathe