एकेकाळची ‘नॅशनल क्रश’ अभिनेत्री शिवसेनेची मशाल घेऊन मैदानात, ठाकरेंसाठी मुंबईत दारोदारी करतेय प्रचार

राज्यात महापालिकेची धामधूम सुरू असून सर्वच पक्ष आता मोठ्या ताकदीने मैदानात उतरले आहे. अवघ्या दोन दिवसांनी मतदान पार पडणार असून 29 महापालिकांवर कोणत्या पक्षाचा झेंडा फडकतो याची उत्सुकता महाराष्ट्रातील जनतेला लागली आहे. सर्वच पक्षांनी आपले स्टार प्रचारक मैदानात उतरवले असताना शिवसेना उद्धव ठाकरे पक्षाने मात्र बॉलीवुडची प्रसिद्ध अभिनेत्रीला उतरवल्याने अनेकांच्या भुवया उंचवल्या आहे.

या अभिनेत्रीने नव्वदच्या दशकात दिलवाले, मोहरा, खिलाडियोंका का खिलाडी या चित्रपटाने चाहत्यांच्या हृदयात एक वेगळेच स्थान निर्माण केले होते. ही अभिनेत्री दुसरी तिसरी कोणी नसून ती रवीना टंडन आहे. रवीना मुंबईच्या गल्लोगल्ली जाऊन नागरिकांना मशाल चिन्हाला मतदान करण्याचे आवाहन करत आहे. रवीनाच्या गळ्यात शिवसेना उद्धव बाळासाहेब ठाकरे या पक्षाचा गमछा असून हा व्हिडिओ सोशल मीडियावर चांगलाचा व्हायरल होत आहे.

रवीना आल्याचे समजताच सोसायटीतील लोक मोठ्या उत्साहाने तिला भेटण्यासाठी येत आहे. ती देखील आनंदाने सर्वांशी संवाद साधत आहे. बॉलिवूडची एकेकाळची स्टार अभिनेत्रीने ठाकरेंची मशाल हाती घेतल्याने निवडणुकीत ठाकरेंना याचा कितपत फायदा होतो हे पाहणे महत्वाचे ठरणार आहे.