Fire In Mumbai: घाटकोपरमधील पारेख रुग्णालयाला लागलेली आग नियंत्रणात; एकाचा दुर्देवी मृत्यू

Fire In Mumbai: मुंबईतून एक मोठी बातमी समोर येत आहे. घाटकोपरमधील पारख रुग्णालायाच्या इमारतील भीषण आग लागली आहे. यामुळे काही लोक इमारतीत अडकले आहेत. या भीषण आगीत एकाचा दुर्देवी मृत्यू झाला आहे. तर इमारतीत अडकलेल्यांपैकी तीन जणांना सुखरुप बाहेर काढण्यात आलं आहे.

आगीची माहिती मिळताच अग्निशमन दलाच्या आठ गाड्या घटनास्थळी दाखल झाल्या आहेत. तर मुंबई अग्निशमन दलाकडून आगीवर नियंत्रण मिळवण्याचे प्रयत्न सुरू होते. या रुग्णालयात काहीजण अडकले होते. पण अग्निशमन दलाच्या जवानांनी या सर्व रुग्णांना सुखरुपपणे बाहेर काढलं आहे. मात्र, यात एकाचा दुर्देवी मृत्यू झाला आहे. आता ही आग नियंत्रणात आली आहे. या आगीचं कारण अद्याप अस्पष्ट आहे.