सुकापूर येथील बालाजी सिम्फनी येथे लागलेली आग पैशाच्या वादातून; एकाला अटक

सिद्धेश म्हात्रे

पनवेल: सुकापूर येथील बालाजी सिम्फनी इमारतीत लागलेल्या आगीत आता मोठा खुलासा झाला आहे. नवीन पनवेलमधील (Panvel) सुकापूर येथील बालाजी सिम्फनी इमारतीत (Symphony building) 28 व्या मजल्यावर आग लागली होती, यात एकाच मृत्यू झाला होता. याप्रकरणी आता एकाला अटक (Arrested) करण्यात आली आहे. (fire Balaji Symphony building Sukapur was sparked money dispute)

हे देखील पहा-

याठिकाणी राहत असणाऱ्या सरीता पताडे व गौरी केदारी राहत होते. यातील गौरी केदारी यांनी दोघांकडून सरकारी (Government) नोकरी लावण्याच्या बहाण्याने पैसे घेतले होते. मात्र, नोकरी लागत नसल्याने मोहिनी ढमढेरे व धनंजय आंद्रे या दोघांनी पैसे परत करण्याची मागणी केली होती. मात्र, प्रत्येक वेळी पैसे देण्यास गौरी टाळाटाळ करत होती.

अखेर मोहिनी आणि धनंजय यांनी गौरीचे घर गाठत तिला घाबरवण्यासाठी एक बाटलीमधून पेट्रोल (Petrol) व मेणबत्ती घेऊन गेले होते. मात्र, तेथे झालेल्या वादात गौरीनेच धनंजय जवळील पेट्रोलची बॉटल घेत ते स्वतःच्या अंगावर टाकले व मोहिनीच्या हातातील मेणबत्ती खेचण्याचा प्रयत्न करत असताना याठिकाणी आगीचा भडका उडाला होता. यामध्ये मृत्यूस कारण ठरल्याप्रकरणी गुन्हा दाखल करून धनंजय याला अटक करण्यात आली आहे. या घटनेचा तपास पोलीस (Police) करत आहेत.

Edited By- Digambar Jadhav