मुलीची छेड काढल्याचा राग अनावर झाल्याने बापाने केली वयोवृद्ध आचार्याची हत्या

सुरज सावंत

मुंबई : मुलीची छेड काढल्याचा राग अनावर झाल्याने बापाने वयोवृद्ध आचार्याची हत्या केली आहे. मानखुर्द पोलिस ठाण्यात हत्येचा गुन्हा दाखल करण्यात आला असून या गुन्ह्यात पोलिसांनी आरोपी पती-पत्नीला अटक केली आहे.

अब्दुल खलील शेख ( वय ६९) असे मृत व्यक्तीचे नाव असून ते व त्याची पत्नी आरोपी सलीम जाफर मो. अख्तर आलम उर्फ सलीम यांच्याकडे आचारी म्हणून काम करत होते. दरम्यान मृत अब्दुल शेख याने आरोपींची १२ वर्षीय मुलगी मुलुंड साठेनगर येथे झोपली असताना तिला उठवताना मुलीला चुकीचा स्पर्श केला.

ही बाब मुलीने तिचे वडिल आरोपी सलीम जाफर याला सांगितली. त्यावेळी राग अनावर झालेल्या सलीमने अब्दुल याला पट्याने व काठीने गंभीर मारहाण केली. या मारहाणीत अब्दुल शेख याचा मृत्यू झाल्यानं आरोपी सलीम व त्याच्या पत्नीने अब्दुल याचा मृतदेह पुरावा नष्ठ करण्याच्या हेतूने मानखुर्द लिंक रोड येथील साठे नगर येथे टाकून पळ काढला.

हे देखील पहा-

मृतदेह मिळाल्यानंतर मानखुर्द पोलिसांनी गुन्हा नोंदवत तपासाला सुरूवात केली. यावेळी आरोपी व त्याची पत्नी या दोघांचा सहभाग निश्चित झाल्यानंतर पोलिसांनी दोघांना अटक केल्याची माहिती मानखुर्द पोलिसांनी दिली.