Anil Deshmukh : माजी गृहमंत्री अनिल देशमुख यांना सेशन कोर्टाचा मोठा झटका

माजी गृहमंत्री अनिल देशमुख यांचा डीफॉल्ट जामीन अर्ज कोर्टाने फेटाळला आहे.
Anil Deshmukh Bail Plea Reject Latest News In Marathi
Anil Deshmukh Bail Plea Reject Latest News In MarathiSAAM TV

मुंबई: महाराष्ट्राचे माजी गृहमंत्री अनिल देशमुख यांना सत्र न्यायालयाने मोठा दणका दिला आहे. देशमुखांनी दाखल केलेला डिफॉल्ट जामीन अर्ज न्यायालयाने फेटाळून लावला. 100 कोटी रुपयांच्या कथित वसुली प्रकरणाचा सीबीआयकडून तपास सुरू आहे.

दुसरीकडे, कुंदन शिंदे आणि संजीव पालांडे यांचेही डिफॉल्ट जामीन अर्ज फेटाळले आहेत. तर, या प्रकरणात विशेष ईडी कोर्टही तिघांच्या जामीन याचिकांवर आदेश देणार आहे. (Anil Deshmukh default Bail Plea Rejects by Court)

Anil Deshmukh Bail Plea Reject Latest News In Marathi
१०० कोटी वसूली प्रकरणात अनिल देशमुख मुख्य आरोपी; ED चे प्रतिज्ञापत्र सादर

मुंबईचे माजी पोलीस आयुक्त परमबीर सिंह यांनी केलेल्या आरोपानुसार, माजी गृहमंत्री अनिल देशमुख (Anil Deshmukh) यांनी पोलीस अधिकाऱ्यांना शहरातील रेस्तराँ आणि बारमधून दर महिन्याला १०० कोटी रुपये वसुली करण्याचे निर्देश दिले होते. देशमुख यांनी या आरोपांचा इन्कार केला होता. हे प्रकरण कोर्टात (Court) गेले होते. त्यानंतर सीबीआयला त्यांच्याविरुद्ध गुन्हा नोंदवण्याचे आदेश देण्यात आले होते. देशमुख यांना आपल्या पदाचा राजीनामा द्यावा लागला होता. देशमुख यांना अटक केल्यानंतर ते अद्याप तुरुंगात आहेत.

Anil Deshmukh Bail Plea Reject Latest News In Marathi
सरकार बेकायदेशीर असेल तर पुढे सुद्धा सर्व बेकायदेशीर चालेल, सावंत यांचा घणाघात

सीबीआयने (CBI) देशमुख आणि संजीव पालांडे, कुंदन शिंदे यांच्याविरोधात आरोपपत्र दाखल केले आहे. गेल्या वर्षी नोव्हेंबरमध्ये अनिल देशमुख यांना अटक करण्यात आली होती. मनी लाँडरिंग प्रकरणात ते सध्या न्यायालयीन कोठडीत आहेत. ते मुंबईतील ऑर्थर रोड तुरुंगात आहेत. मनी लाँडरिंग प्रकरणाचा तपास ईडीकडून (ED) सुरू आहे. या वर्षी एप्रिलमध्ये सीबीआयने भ्रष्टाचार प्रकरणात देशमुख, पालांडे आणि शिंदे यांना ताब्यात घेतले होते.

Edited By - Nandkumar Joshi

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Saam Marathi News
saamtv.esakal.com