पुणे: राष्ट्रवादी कॉंग्रेसचे शिरुर लोकसभा मतदार संघाचे खासदार डॉ. अमोल कोल्हेंना कोरोनाची लागण झाली आहे. विशेष म्हणजे कोरोना लसीचे दोन्ही डोस घेतल्यानंतरही ते कोरोना पॉझिटिव्ह आढळले आहे. याबाबत त्यांनी स्वतः ट्विट करुन माहिती दिली आहे. राज्यात बैलगाडा शर्यतीवरील बंदी उठवावी यासाठी ते दिल्लीमध्ये बैठक घेणार होते. पण आता ते स्वतः कोविड पॉझिटिव्ह आल्याने ही बैठक पुढे ढकलली जाण्याची शक्यता आहे. त्यांची प्रकृती स्थिर असल्याची माहिती त्यांनी दिली आहे. (Even after taking two doses of the vaccine, MP Dr. Amol Kolhe Corona Positive)
हे देखील पहा -
त्याचप्रमाणे ते म्हणाले की, कोरोनाचे संकट अजूनही टळलेलं नाही. गेल्या दोन दिवसांपासून मला कोरोना सदृश लक्षणे दिसत आहेत. कोरोना प्रतिबंधक लसींचे दोनही डोस पूर्ण झाले आहेत. तरी टेस्ट केल्यानंतर माझा RT-PCR रिपोर्ट पाॅझिटिव्ह आला आहे. परंतु प्रकृती स्थिर आहे. डाॅक्टरांच्या सल्ल्यानुसार वैद्यकीय उपचार सुरू केले आहेत. मतदारसंघातील पूर्वनियोजित दौरा सर्व कार्यक्रम पुढे ढकलले आहेत. माझ्या संपर्कात आलेल्या सर्वांना आवाहन आहे की त्यांनी लक्षणे आढळून आल्यास टेस्ट करून घ्यावी. शक्यतो गर्दीची ठिकाणे टाळावीत. निर्धारीत नियमांचे काटेकोर पालन करावे.
कोरोनाची लागण झाल्याने खासदार अमोल कोल्हे यांनी त्यांच्या मतदास संघातील सर्व पुर्वनियोजित कार्यक्रम पुढे ढकलले आहेत. त्याचप्रमाणे कोरोनाचे संकट अजून टळलेले नाही त्यामुळे नागरिकांनी गर्दी करणे टाळावे आणि कोरोना नियमांचे कठोर पालन करावे असं आव्हान त्यांनी जनतेला केलं आहे. सोबतच माझ्या संपर्कात आलेल्यांनी कोरोना चाचणी करुन घ्यावी असंही ते म्हणाले आहेत.
Edited By - Akshay Baisane
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.