Mumbai News: मुंबईत भीषण दुर्घटना, घराची भिंत कोसळून ८ वर्षीय मुलीचा मृत्यू

मुंबईत एक मोठो दुर्घटना घडली आहे. मुंबईतील लोअर परेल भागात एका झोपडीवर व्यावसायिक युनिटच्या भिंतीचा काही भाग कोसळल्याने एका 8 वर्षीय मुलीचा मृत्यू झाल्याची घटना घडली आहे. या दुर्घटनेत एक 60 वर्षीय महिला जखमीझाल्याचं सांगण्यात येत आहे.

मिळालेल्या माहितीनुसार, ही दुर्घटना संध्याकाळी सातच्या सुमारास एन एम जोशी येथे घडली. एनडीटिव्हीने दिलेल्या वृत्तानुसार, या घटनेत मृत्यू झालेल्या 8 वर्षीय मुलीचं रेणुका अनंत काळसेकर आहे. तर जखमी महिलेचे नाव जयश्री पवार आहे. जखमीवर केएम रूग्णालयात उपचार सुरू आहे.

ही दुर्घटना घडल्यानंतर स्थानकांची याची माहिती स्थानिक प्रशासनाला दिली. यानंतर अग्निशमन दलाचे जवान घटनास्थळी दाखल झाले आणि बचाव कार्य सुरू केलं होतं.