सुशांत सावंत -
मुंबई : शिवसेना खासदार संजय राऊत (Sanjay Raut) यांच्या संपत्तीवर ईडीनं टाच आणली आहे. ही ईडीची मोठी कारवाई मानली जात आहे. ईडीनं राऊत यांची अलिबाग आणि मुंबईतील दादर येथील संपत्ती जप्त केली आहे.
ईडीकडून (ED) राज्यातील महाविकास आघाडीच्या नेत्यांवर कारवाया सुरू असतानाच, गेल्या काही दिवसांपासून चर्चेत असलेले शिवसेना खासदार संजय राऊत यांच्यावरही कारवाईची कुऱ्हाड कोसळली आहे. राऊत यांची अलिबाग येथील मालमत्ता आणि दादर येथील मालमत्ता ईडीने जप्त केली आहे. अलिबागमधील आठ भूखंड आणि दादरमधील फ्लॅटवर ईडीनं टाच आणली आहे. ही आतापर्यंतची ईडीची सर्वात मोठी कारवाई आहे.
अलिबागमधील जमिनी आणि इतर मालमत्ता, तसेच दादरमधील फ्लॅट जप्त केला आहे. ईडीने ही कारवाई केली आहे. ईडीची काही दिवस चौकशी सुरू होती. गेली दोन महिने राऊत यांची जी धडपड, धावपळ, आणि ईडीवर आरोप करणे आणि किरीट सोमय्या (Kirit Somaiya) आणि कुटुंबीयांना जेलमध्ये टाकण्याची भाषा करणे ही त्यांची मानसिक अवस्था मी समजू शकत होतो. अलिबागमध्ये चौकशी झाली त्यावेळी काय काय केलं हे सगळं माहीत होतं, अशी प्रतिक्रिया भाजप नेते किरीट सोमय्या यांनी प्रसारमाध्यमांना दिली. तसंच राऊतांना या कारवाईबाबत आधीच लक्षात आले होते म्हणून त्यांनी 55 लाख ईडी कार्यालयात परत केले होते असा खुलासा देखील सोमय्या यांनी केला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.