संघर्ष गांगुर्डे, साम टीव्ही
डोंबिवलीत पुन्हा एकदा स्टंटबाजीचा धक्कादायक प्रकार समोर आला आहे. बाईकवर उभा राहून एक तरुण बाईक चालवतोय हा नवा व्हिडिओ समोर आल्यानंतर कारवाई की मागणी केली जात आहे. मोठा गाव-मानकोली परिसरात तरुणांकडून जीवघेणे स्टंट सुरूच असल्याने नागरिकांमध्ये संताप व्यक्त केला जात आहे.
डोंबिवलीतील मोठा गाव-मानकोली परिसरात स्टंटबाज तरुणांचा त्रास वाढतच चालला आहे. यापूर्वीही अनेक वेळा येथे स्टंट करतानाचे व्हिडिओ व्हायरल झाले असून पोलिसांकडून कारवाई देखील करण्यात आली आहे. मात्र, तरीही हे प्रकार थांबण्याचे नाव घेत नाहीत. आता पुन्हा एक नवीन व्हिडिओ समोर आला आहे.या व्हिडिओमध्ये एक तरुण थेट बाईकवर उभा राहून बाईक चालवत असल्याचे दिसत आहे.
हा धोकादायक प्रकार दुसऱ्या व्यक्तीने मोबाईलमध्ये शूट केला असून, संबंधितांवर कठोर कारवाई करण्याची मागणी करण्यात येत आहे.या स्टंटबाजीमुळे परिसरातील नागरिकांच्या सुरक्षेला गंभीर धोका निर्माण झाला असून, वाहतुकीलाही अडथळा निर्माण होत आहे. स्थानिक नागरिकांनी पोलिसांनी या स्टंटबाज तरुणांवर कडक कारवाई करावी, अशी मागणी केली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.