Dombivli News: डोंबिवलीत पाणीटंचाईने नागरिक त्रस्त; टँकर माफियांसाठी पाणीटंचाई केल्याची नागरिकांकडून शंका व्यक्त

अभिजित देशमुख, कल्याण

Dombivli News:

डोंबिवली पूर्वेकडील आयरे गावात श्रीराम नगर येथे पाणीटंचाईने नागरिक त्रस्त आहेत. कमी दाबाने व अपुरा पाणीपुरवठ्यामुळे नागरिकांना पाणीटंचाईला सामोरे जावे लागतेय. पाणी येत नसल्याने नागरिक टँकर मागवतायत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पाचशे लिटर मागे नागरिकांना तीनशे रुपये मोजावे लागतायत. त्यामुळे नागरिकांच्या खिशाला भुर्दंड पडतोय. टँकर माफियांसाठी जाणून-बुजून पाणीटंचाई केली जाते का? असा सवाल संतप्त नागरिकांनी केलाय. श्रीराम नगर हा परिसर मनसे आमदार राजू पाटील यांच्या मतदार संघात आहे आणि कल्याणचे खासदार श्रीकांत शिंदे (Shrikant Shinde) यांच्या लोकसभा मतदार संघात सरद परिसर येतो.

भाजप आमदार आणि सार्वजनिक बांधकाम मंत्री रविंद्र चव्हाण हे डोंबिवलीचे मंत्री आहेत. तरीही नागरीकांवर पाणी विकत घेऊन पिण्याची वेळ आली आहे. ही समस्या कधी सुटणार असा संतप्त प्रश्न नागरीकांकडून उपस्थित केला जात आहे.

एकिकडे स्मार्ट सिटीकडे वाटचाल सुरू असल्याचा दावा कल्याण डोंबिवली महापालिका प्रशासनाकडून करण्यात येतोय. तर दुसरीकडे कल्याण डोंबिवली शहरात पाणी टंचाईमुळे नागरिक त्रस्त आहेत. डोंबिवलीतील आयरे गाव श्रीरामनगर परिसरात पाणीटंचाईमुळे कमी दाबाने व अपुरा पाणीपुरवठा होत आहे.

पाणीटंचाईवरून (Water Shortage) अनेकदा महापालिकेकडे तक्रारी केल्या गेल्यात. तसेच निवेदन देऊन आंदोलने केली आहेत. मात्र पाणी समस्या अद्याप सुटलेली नाही. पाणी नसल्याने येथील नागरिक पाचशे लिटर पाण्यासाठी तब्बल तीनशे रुपये टँकरला मोजत आहेत. या ठिकाणी नागरीक पाण्यासाठी वणवण फिरत आहे. गेल्या सात वर्षापासून नागरीक या समस्येचा सामना करत आहेत. जाणून बुजून टँकर माफियांकरीता कमी दाबाचा पाणी पुरवठा केला जात आहे अशी शंकाही नागरिकांकडून उपस्थित केली जात आहे.