Raj Thackeray: राज ठाकरेंच्या गुढीपाडव्याच्या सभेला परवानगी देऊ नये; पोलीस महासंचालकांना पत्र

राज ठाकरेंच्या सभेला परवानगी देऊ नये यासाठी भीम आर्मीने महाराष्ट्र पोलीस महासंचालकांना पत्र लिहिलं आहे.
Raj Thackeray
Raj Thackeray saam tv

मुंबई : महाराष्ट्र नवनिर्माण सेनेचे अध्यक्ष राज ठाकरे यांच्या सभा आणि भाषण नेहमीच चर्चेचा विषय असतो. राज ठाकरेंचं भाषण मनसे कार्यकर्ते राज्यभरातून सभास्थळी जमा होतात. मात्र राज ठाकरे यांच्या सभेवर आणि भाषणावर बंदी घालावी अशी मागणी भीम आर्मीने महाराष्ट्र पोलीस महासंचालकांना पत्र लिहून केली आहे.

राज ठाकरे दरवेळी आपल्या भाषणातून दलित, मुस्लीम आणि संविधान विरोधी भूमिका घेत असतात. ते आपल्या पक्षातील कार्यकर्त्यांना असंविधानिक कृत्य करण्यास सांगतात. त्यामुळेच गुडीपाडवानिमित्त राज ठाकरे यांची शिवाजी पार्कात होणाऱ्या सभेला परवानगी देऊ नये. जर परवानगी दिली असेल तर ती तत्काळ रद्द करावी., असं पत्र भीम आर्मीने पोलीस महासंचालकांना दिलं आहे. (Political News)

Raj Thackeray
Political News : ठाकरे गटाला मोठा धक्का बसणार? सुभाष देसाईंचे पुत्र शिवसेनेत प्रवेश करणार, सूत्रांची माहिती

भीम आर्मीने पत्रात काय म्हटलंय?

महाराष्ट्र नवनिर्माण सेनेचे अध्यक्ष मा.राज ठाकरे हे आपल्या पत्रकार परिषदेत, आपल्या भाषणात प्रत्येक वेळी दलित, मुस्लिम आणि संविधान विरोधी भूमिका घेत असतात. ते नेहमी आपल्या भाषणातून त्याच्या पक्षाच्या कार्यकर्त्यांना असंविधानिक कृत्य करायला सांगतात हे देशासाठी, महाराष्ट्रासाठी आणि संपूर्ण मानवतेसाठी घातक आहे.

इंदू मिल येथे महामानव डॉ. बाबासाहेब आंबेडकर यांचे राष्ट्रीय स्मारक होत आहे. तसेच दादर रेल्वे स्टेशनला महामानव डॉ. बाबासाहेब आंबेडकर यांचे नाव देण्यासाठी देशभरात आंदोलन सुरु आहेत. बाबासाहेब आंबेडकरांच्या नामांतराला ही राज ठाकरे यांनी विरोध केला आहे. याचा आम्ही तीव्र निषेध करतो.

Raj Thackeray
MNS News : मोठी बातमी! मशिदींवरील भोंग्याचा मुद्दा पुन्हा तापणार; मनसे आक्रमक, गुढीपाडव्याला राज ठाकरे काय बोलणार?

भारतीय संविधानानुसार देशात सर्वधर्मीय नागरिक गुण्यागोविंदाने राहत आहेत. परंतु राज ठाकरे यांच्या असंविधानिक, धार्मिक आणि जातीवादी भाषणामुळे नेहमी हिंदू-मुस्लिम समाजात दंगली घडवण्याचे काम, प्रयत्न केला गेला आहे.

त्यामुळे आपण आमच्या पत्राची तात्काळ दखल घेऊन गुडीपाडवा निमित्त 22/03/2022 तारखेला राज ठाकरे यांची शिवाजी पार्क मैदान दादर पश्चिम येथे सभा आहे. या सभेस आपण परवानगी देऊ नये आणि जर परवानगी दिली असेल तर ती तत्काळ रद्द करावी.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com