Deepak Kesarkar : उष्माघात फक्त नागपूरसारख्या ठिकाणी होतो, मुंबईत नाही; महाराष्ट्र भूषण सोहळ्यातील दुर्देवी घटनेवर केसरकरांची प्रतिक्रिया

भूषण शिंदे

Deepak Kesarkar : महाराष्ट्र भूषण पुरस्कार सोहळ्यादरम्यान झालेल्या दुर्दैवी घटनेत 13 श्री सदस्यांचा मृत्यू झाला आहे. या घटनेवर राज्याचे मंत्री दीपक केसरकर यांनी प्रतिक्रिया दिली आहे. उष्माघात हा नागपूरसारख्या ठिकाणी होतो. मुंबईत उष्माघात होत नाही, कारण हवेत आर्द्रता असते, असं दीपक केसरकर यांनी म्हटलं आहे.

तुम्ही रेकॉर्ड चेक करा की आपल्या इथे  उष्माघातने मृत्यू झाला आहे का? बेशुद्ध हौपर्यंत लोक सहन करतात ही सहनशिलात मारक ठरते. ज्यावेळी एवढी मोठी गर्दी जमते त्यावेळी नैसर्गिक आपत्ती आली तर कंट्रोल करणे अवघड असू शकते. माझी विनंती आहे की कुठल्याही विषयाचा राजकारण करू नये, असं आवाहनही दीपक केसरकर यांनी केलं आहे.

श्री सदस्य यांनी रात्री घरी जायला उशीर होईल म्हणून कार्यक्रम दुपारी ठेवावा अशी विनंती केली होती. जरी रात्री कार्यक्रम ठेवला तरी श्री सदस्य सकाळपासून येऊन बसले असते. आम्हाला त्यांच्या भावनांचा विचार करावा लागला. त्यामुळे जे लोक यातून राजकारण करत आहेत ते चुकीचे आहे. (Latest News Update)

आप्पासाहेब धर्माधिकारी हे महाराष्ट्राचे अभिमान आहेत. त्याशिवाय लाखो लोक जमत नाहीत. त्याठिकाणी 350 डॉक्टर आणि नर्सेस होते. काही लोक म्हणतात की सरकार बेफिकीर आहे असं म्हणणं योग्य नाही, असंही दीपक केसरकर यांनी म्हटलं.