Dasara Melava | शिवाजी पार्कवर दसरा मेळावा आम्हीच करणार; ठाकरे गट लागला कामाला

निवृत्ती बाबर -

मुंबई: शिवसेनेमध्ये पडलेली उभी फूट आणि राज्यात झालेल्या सत्तांतरानंतर शिवसेनेचा पहिलाच दसरा मेळावा (Dasara Melava) यंदा पार पडणार आहे. मात्र, दसरा मेळाव्यासाठी शिवाजी पार्कमध्ये कोणाला परवानगी मिळणार हा पेच कायम आहे. शिवसेनेनं (Shivsena) दसरा मेळावा हा शिवतीर्थावरच होणार असल्याचा विश्वास व्यक्त केला जात आहे. शिवाय शिवाजी पार्कमध्ये (Shivaji Park) परवानगी मिळावी यासाठी आता ठाकरे गटाकडून हालचाली देखील सुरु करण्यात आल्या आहेत.

याच पार्श्वभूमीवर आज शिवसेनेचं एक शिष्टमंडळ मुंबई महानगरपालिकेच्या (BMC) जी उत्तर विभाग येथील कार्यालयात शिवसेना दसरा मेळावा संदर्भात भेट देण्यास आले होते. शिवसेनेचे माजी महापौर मिलिंद वैद्य आणि महेश सावंत आणि इतर कार्यकर्ते पदाधिकारी आले होते. या पदाधिकाऱ्यांनी महापालिकेच्या अधिकाऱ्यांचे भेट घेतली असून शिवाजी पार्कच्या मैदानात दसरा मेळावा कोणाचा होणार या अनुषंगाने ही भेट घेतली होती.

पाहा व्हिडीओ -

शिवसेनेने महानगरपालिकेला दसरा मेळाव्यासाठी शिवतीर्थ देण्यात यावे यासाठी शिंदे गटाने देखील मागणी केली आहे. तरीही महानगरपालिकेकडून कोणतीच कल्पना ठाकरे गटाला दिलेले नाही. मिलिंद वैद्यांनी भेट घेतल्यानंतर सांगितले आहे की महानगरपालिकेने विधी विभागाकडे त्यांच शिवतीर्थ संबधातला अर्ज दिला आहे. विधी विभाग या अर्जाची लेखी प्रतिक्रिया देणार असून आम्ही दसरा मेळावा शिवतीर्थावरच घेणार असल्याचही वैद्य म्हणाले.

शिवाजी पार्क कोणालाच नाही -

ठाकरे आणि शिंदेगटात शिवाजी पार्कवर दसरा मेळावा घेण्यासाठ रस्सीखेच सुरु आहे. मात्र, शिवाजी पार्कचे मैदान दोघांपैकी कोणालाच न देण्याची भूमिका मुंबई महापालिकेने घेतली असल्याची माहिती सुत्रांनी दिली आहे. शिवाय गृहविभागाने देखील हिच भूमिका घेतली असल्याची माहिती सुत्रांनी दिली आहे.

Edited By - Jagdish Patil