Pune Crime News : हॉटेलमध्ये जास्त वेळ बसले म्हणून ग्राहकांना मारहाण, कात्रज परिसरातील धक्कादायक प्रकार

अक्षय बडवे

Pune News :

पुण्यात वाढत असलेली गुन्हेगारी चिंतेचा विषय आहे. पुण्याच्यातून रोजच गुन्हेगारीच्या घटना समोर येत असतात. अशी एक घटना कात्रज परिसरातून समोर आली आहे. हॉटेलमध्ये जास्त वेळ बसल्यामुळे ग्राहकाला मारहाण झाल्याची प्रकार समोर आला आहे. या प्रकरणी तिघांना अटक करण्यात आली आहे. (Crime News)

हॉटेलमध्ये जास्त वेळ बसण्याच्या कारणावरून ग्राहकाला मारहाण केल्याची घटना कात्रज परिसरातील मांगडेवाडी येथील एका हॉटेलमध्ये सोमवारी घडली. या प्रकरणी हॉटेलमधील तीन कामगारांना भारती विद्यापीठ पोलिसांनी अटक केली आहे.

याबाबत भारती विद्यापीठ पोलिस ठाण्यात फिर्याद दिली आहे. त्यानुसार हॉटेलमधील कामगार धनंजय संजय भोसले (वय ३२), रफिक राजू अहमद (वय १९) आणि विशाल रमेश गुप्ता (वय २०) अशी अटक केलेल्यांची नावे आहेत. (Latest News)

फिर्यादी आणि त्यांचा मावसभाऊ यांनी हॉटेलमध्ये जेवण केले. त्यानंतर ते त्यांचा भाऊ वाट पाहत होते. आरोपींनी त्यांना हॉटेलमध्ये जास्त वेळ का बसलात, असे म्हणत शिवीगाळ करुन मारहाण केली.

एका कामगाराने फिर्यादीला लाकडी दांडक्याने मारहाण केल्याने डोळ्यांना गंभीर दुखापत झाली. तर एकाने दुसऱ्या भावाच्या डोक्यात बाटली फोडून जखमी केले. त्यावेळी फिर्यादीला वाचवण्यासाठी आलेल्या भावांनाही आरोपींनी मारहाण केली.