Mumbai : आशिष शेलारांच्या उपस्थितीत रंग शारदा नाट्यगृहाचा पडदा उघडला

रंगशारदा या नावातच रंग आणि शारदा आहे. रंग मंचाचे नाव आहे नाटकार विद्याधर गोखले अशा रंगमंचावरुन आज पुन्हा तिसरी घंटा वाजवताना मला गहिवरुन आलं अशा शब्दात मराठीबाणाकार अशोक हांडे यांनी आपल्या भावना व्यक्त केल्या.
Mumbai : आशिष शेलारांच्या उपस्थितीत रंग शारदा नाट्यगृहाचा पडदा उघडला
Mumbai : आशिष शेलारांच्या उपस्थितीत रंग शारदा नाट्यगृहाचा पडदा उघडला SaamTvNews

मुंबई : रंगशारदा या नावातच रंग आणि शारदा आहे. रंग मंचाचे नाव आहे नाटकार विद्याधर गोखले अशा रंगमंचावरुन आज पुन्हा तिसरी घंटा वाजवताना मला गहिवरुन आलं अशा शब्दात मराठीबाणाकार अशोक हांडे यांनी आपल्या भावना व्यक्त केल्या. भाजपा नेते आमदार अँड आशिष शेलार यांच्या पुढाकाराने आज रंगशारदा नाट्यगृहाचा पडदा समारंभपुर्वक उघडण्यात आला. यावेळी अभिनेते प्रशांत दामले, कविता लाड, मधुरा वेलणकर, जयवंत वाडकर, संगीतकार मिलिंद जोशी आदी उपस्थितीत होते.

हे देखील पहा :

लाँकडाऊनंतर आज मराठी नाटक पहायला आलेल्या नाट्य रसिकांचे आमदार ऍड.आशिष शेलार यांनी रंगशारदाच्या प्रवेशव्दारावर फुल देऊन स्वागत केले. आज पासून नाटकाला परवानगी दिल्याच्या निमित्ताने हा विशेष खेळ आयोजित करण्यात आला होता. यावेळी रंगभूमीवरील तंत्रज्ञ व पडद्यामागच्या कलावंताना कोरोना काळात मदत करणाऱ्या अशोक हांडे, प्रशांत दामले, बाबू राणे, प्रिती जामकर, रत्नाकर जगताप, हरी पाटणकर यांचा आमदार ऍड.आशिष शेलार यांच्या हस्ते सत्कार करण्यात आला.

Mumbai : आशिष शेलारांच्या उपस्थितीत रंग शारदा नाट्यगृहाचा पडदा उघडला
Pune : "हर्बल तंबाखूचा पहिला प्रयोग सदाभाऊ खोत यांनी आपल्या शेतात करावा"

यावेळी शेलार म्हणाले की, रंगभूमीचा पडदा महायुद्धात, आणीबाणीत ही पडला नव्हता पण या नैसर्गिक संकटात तो पडला. त्यानंतर इतर घटकांचा महाराष्ट्र शासनाने जसा विचार करून सवलत दिली तशी सवलत मराठी रंगभूमीला देण्यास विलंब झाला. मराठी रसिक आणि कलावंत यांची झालेली ताटातूट लवकर संपावी व पुन्हा भेट व्हावी म्हणून शासनाने प्रयत्न केले नाही. मद्य आणि मद्यप्रेमी यांची ताटातूट फारकाळ सरकारने होऊ दिली नाही तसा विचार नाट्यरसिकांचा संवेदनशील पणे सरकारने केला नाही, असा टोला यावेळी त्यांनी लगावला. प्रेक्षकांच्या प्रचंड प्रतिसादात यावेळी प्रशांत दामले यांच्या एका लग्नाची पुढची गोष्ट या नाटकाचा प्रयोग रंगला.

Edited By : Krushnarav Sathe

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com